.gif)
_(1).gif)
.jpg)
.png)
काठमाण्डौ । कांग्रेस–एमाले गठबन्धनको सरकार बनेलगत्तैदेखि सेयर बजारमा आएको उछालको सकारात्मक प्रभाव सरकारले प्राप्त गर्ने राजश्वमा समेत देखिएको छ।
सेयर बजारमा कारोबारका दैनिक रेकर्डहरु बनेर नेप्से परिसूचक ३००० को विन्दूसम्म पुग्दा सरकारले प्राप्त गर्ने राजश्वमा समेत उछाल आएको देखिएको हो ।
(1).gif)
सिडिएस एण्ड क्लियरिंग लिमीटेडका अनुसार चालु आर्थिक वर्षको साउन महिनामा सेयर बजारबाट राज्यलाई ४ अर्ब २३ करोड ७८ लाख ६१ हजार रुपैयाँ बराबरको पूँजीगत लाभकर गएको छ । यो भनेको गत वर्षको साउनको तुलनामा १०.३६ गुणाले बढी हो । गत वर्षको साउन महिनामा राज्यले सेयर बजारबाट ४० करोड ८ लाख ९१ हजार रुपैयाँ हाराहारीमा पूँजीगत लाभकर प्राप्त गरेको थियो ।
साउन १ गते नेप्से परिसूचक २३१०.५९ को विन्दूमा सीमित थियो । सो दिन ९ अर्ब बढीको सेयर कारोबार भएको थियो । त्यसपछि साउन महिनाभर २२ दिन बजारमा कारोबार भएको थियो ।
यो अवधिमा नेप्से परिसूचक बढेर ३००० विन्दूमा पुग्यो । यसरी साउन महिनामा मात्रै नेप्से परिसूचक ६९०.२२ अंकले बढेको छ।
साउन महिनाभरमा नेप्सेमा ४१४ अर्ब हाराहारीमा सेयर कारोबार भएको छ ।
साउन १ गते ९ अर्ब ७ करोडको कारोबार भएकोमा २ गते १२ अर्ब र ३ गते १५ अर्ब ४७ करोड बढीको सेयर कारोबार भएको देखिन्छ । त्यसपछि भने प्रत्येक दिन १४ अर्बभन्दा बढीकै कारोबार भइरहेको छ ।
कारोबारमा उछाल आएकै कारण सरकारले प्राप्त गर्ने पूँजीगत लाभकर पनि रकेटको गतिमा बढेको हो ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
