.gif)
(1).gif)
.jpg)
.png)
काठमाण्डौ । ट्रेकिङ एजेन्सिज एशोसिएसन अफ नेपाल (टान)को अध्यक्ष पदमा सागर पाण्डे निर्वाचित भएका छन् । पाण्डे राजेन्द्र सापकोटालाई पराजित गर्दै टानको अध्यक्ष पदमा निर्वाचित भएका हुन् ।
पाण्डेले १०० मतान्तरले सापकोटालाई पराजित गरेका हुन् । अध्यक्ष पदको निर्वाचनमा पाण्डेले ५८० मत पाएका छन् भने सापकोटाले ४८० मत प्राप्त गरेका छन् । पाण्डे माओवादी केन्द्र निकट पर्यटन व्यवसायी हुन् भने सापकोटा कांग्रेस–एमाले निकट व्यवसायी गठबन्धनका साझा उम्मेदवार हुन् ।
.gif)
यस्तै वरिष्ठ उपाध्यक्षमा कर्मा शेर्पा विजयी भएका छन् । उनले ५५८ मत ल्याएका छन् । उनका प्रतिस्पर्धी कर्मा चोलेन्द्रबहादुर कार्कीले भने ४८६ मत पाएका छन् ।
प्रथम उपाध्यक्षमा विष्णुप्रसाद लम्सालले ५३५ मत ल्याउदै दावा लामालाई पराजित गरेका छन् । द्वितीय उपाध्यक्षमा सनम शेर्पा निर्वाचित भएका छन् भने महासचिवमा सोनाम ग्याल्जेन शेर्पा विजयी भएका छन् । शेर्पाले ५५० मत ल्याएका छन् । उनका निकटतम प्रतिस्पर्धी राजेन्द्र प्रसाद सुवेदीले ४९४ मत पाएका छन् ।
यस्तै सचिवमा रिन्जी जाङ्बु शेर्पा, कोषाध्यक्षमा गौतमराज वाग्ले र सहकोषाध्यक्षमा लाक्पा तेम्बा शेर्पा विजयी भएका छन् । महिला सदस्यमा पवित्रा तामाङ, खुला सदस्यमा अम्बीरबहादुर तामाङ, छाप्ते लामा शेर्पा, राजु गुरुङ, फुर्वा छिरिङ भोटे, सागर राई, विकास गुरुङ, होमबहादुर विश्वकर्मा र विनोद कुमार तामाङ विजयी भएका छन् ।
माओवादी केन्द्रका अध्यक्ष प्रचण्डले अध्यक्ष सागर पाण्डेलगायत टानमा निर्वाचित हुने पदाधिकारीलाई बधाई दिएका छन् । उनले आफ्नो आधिकारीक फेसबुकमार्फत बधाई दिएका हुन् ।
नयाँ नेतृत्व चयनका लागि टानमा सोमबार निर्वाचन भएको थियो।
.gif)
.png)
.gif)
.gif)
.gif)
