.gif)
.png)
काठमाण्डौ । सरकारले कोरोना बीमाको दायित्व नब्यहोरेको भन्दै आइतबार सर्वोच्च अदालतमा मुद्दा दायर भएको छ । निर्जीवन बीमा कम्पनीहरुको छाता संगठन नेपाल बीमक संघद्वारा सरकारविरुद्ध सर्वोच्च अदालतमा मुद्दा दायर भएको हो ।
बीमक संघले नेपाल सरकारले कोरोना बीमाको रकम ब्यहोर्नुपर्नेमा हालसम्म पनि भुक्तानी नगरेको भन्दै नेपाल सरकार प्रधानमन्त्री तथा मन्त्रिपरिषदको कार्यालयविरुद्ध सर्वोच्चमा मुद्दा दायर गरेको हो ।
सरकारले बीमा कम्पनीहरुलाई कोरोना बीमाको ११ अर्ब रुपैयाँ भन्दा बढी भुक्तानी गर्न बाँकी छ । पटक–पटक कोरोना बीमाको रकम भुक्तानी गर्ने अनुरोध गर्दा पनि सरकार दायित्वबाट पन्छिएपछि मुद्दा दायर गर्न बाध्य भएको बीमक संघका अध्यक्ष चकी क्षेत्रीले बताए ।
बीमक संघका तर्फबाट महासचिव अशोककुमार खड्काले परमादेशसहितको रिट निवेदन दर्ता गरेका हुन् । खड्काका अनुसार उक्त रिटको पेशी सोमबार तोकिएको छ ।
कोरोना महामारीमा सरकारले निर्जीवन बीमकहरुसँग साढे ३ अर्ब रुपैयाँ दायित्व सिर्जना भएमा सरकारले ब्यहोर्ने प्रतिबद्धता गरेको थियो । लामो समयसम्म पनि कोरोना बीमाको रकम भुक्तानीमा सरकारले कुनै चासो नदेखाएपछि बीमक संघले केही समयअघि प्रेस विज्ञप्ति जारी गरी सरकारविरुद्ध मुद्दा दायर गर्ने जनाएको थियो ।
.png)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।