बजार घट्दा पनि सर्वोत्तम सिमेन्टको सेयर भाउ बुलिस सेन्टिमेन्टमा, अबको टार्गेट कतिमा ?

काठमाण्डौ । सर्वोत्तम सिमन्ट नेपाल स्टक एक्सचेञ्ज(नेप्से)मा सूचीकृत सिमन्ट कम्पनीमध्ये एक हो । यो कम्पनीले सर्वसाधरणका लागि बुक विल्डिङ बिधिबाट प्रतिकित्ता रु. १०० रुपैयाँमा २६०.९० रुपैयाँ प्रिमियम थपेर प्रतिकित्ता ३६०.९० रुपैयाँका दरले आईपीओ निष्कासन गरेको थियो । उच्च खरिद चाप परेकोले चिठ्ठा विधिबाट कम्पनीको आईपीओ बाँडफाँड गरिएको थियो । आईपीओ पाउने प्रत्यकेले ५० कित्ताको दरले सेयर पाएका थिए ।  

आधारभूत पक्षः  

गत आर्थिक वर्षको चौंथो त्रैमासिक प्रतिवेदनअनुसार कम्पनीको चुक्तापूँजी ४ अर्ब ६५ करोड रुपैयाँ रहेको छ भने जगेडा कोषमा ४ अर्ब ५९ करोड रुपैयाँ रहेको छ । योसँगै कम्पनीको कुलपूँजी ९ अर्ब २४ करोड ५४ लाख रुपैयाँ रहेको छ । कम्पनीको खुद मुनाफा १७ करोड ४२ लाख रुपैयाँ रहेको छ । यस्तै कम्पनीको प्रतिसेयर आम्दानी ३.७५ रुपैयाँ रहेको छ । बुक भ्यालु १९८.८३ रुपैयाँ रहेको कम्पनीको रिर्टन अन इक्विटी १.८९ रुपैयाँ रहेको छ ।  

प्राविधिक पक्षः  

फियर एण्ड ग्रिड इन्डेक्स  

फियर एण्ड ग्रिड इन्डेक्समा यो कम्पनीको सेयर, बजार घट्दा पनि बुलिस सेन्टिमेन्टमा नै चलेको देखिन्छ । यो इन्डेक्समा जीरोदेखि २० सम्म रहेमा स्ट्रङ वियरिस र ८० देखि माथि रहेमा स्ट्रङ बुलिस भन्ने हो । हाल ६० को तहमा यो कम्पनीको सेयर भाउ सामान्य बुलिस अवस्थामा रहेको छ ।  

बोलिङ्गर ब्याण्ड ,म्याक्डी र आरएसआई

बोलिङ्गर ब्याण्डको आधारमा यो कम्पनीको सेयर हाल मध्य ब्याण्डबाट तल खसेको छ । अर्थात तल्लो ब्याण्ड ७०० सम्म पनि आउन सक्छ । म्याक्डीको आधारमा यो कम्पनी हिस्टोग्राम सकरात्मक रहेता पनि फिक्का र करिब वियरिस क्रसओभर भन्दै गरेको देखिन्छ । आरएसआई न्यूट्रल जोनबाट खसेर ४१  को तहमा आएको छ । समग्रमा सबै इन्डिकेटरबाट नियाल्दा यो कम्पनीको सेयर भाउमा बिक्री दबाब परेको देखिन्छ ।

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – ८८०

प्रतिरोध २ – ८५७

प्रतिरोध १–  ८२६

पिभट प्वइन्टः ८०३

घटेमा सपोर्ट  

सपोर्ट १– ७७२

सपोर्ट २– ७४९

सपोर्ट  ३ – ७१८

निष्कर्षः आधारभूत रुपमा यो कम्पनी औषत नै रहेको देखिन्छ । कम्पनीको प्रतिसेयर आम्दानी र रिर्टन अन इक्विटीमा कुनै प्रगति भएको देखिदैन । कम्पनीको बुक भ्यालु र जगेडा कोष भने सन्तोषजनक नै रहेको छ । प्राविधिक रुपमा यो कम्पनीको सेयर भाउ फियर एण्ड ग्रिड इन्डेक्समा बजार घट्दा पनि बु्लिस सेन्टिमेन्टमा चलेको देखिन्छ । इन्डिकेटरबाट नियाल्दा भने कम्पनीको सेयर मूल्यमा सामान्य बिक्री दबाब परेको देखिन्छ । हाल ७५५ रुपैयाँमा चलेको यो कम्पनीको सेयर भाउ बढेमा पिभट् प्वइन्टको तेस्रो प्रतिरोधसम्म टार्गेट सेट गर्न सकिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।