एनएलजी इन्स्योरेन्सको हकप्रद सेयरमा आवेदन दिने समय थप

काठमाण्डौ । एनएलजी इन्स्योरेन्स कम्पनी लिमिटेडको हकप्रद सेयरमा आवेदन दिने समयावधि थप गरिएको छ । कम्पनीले गत मंसिर ११ गतेदेखि निष्कासन गरेको हकप्रदमा आवेदन दिने समय थप गरिएको हो ।  

उक्त हकप्रदमा खरिदका लागि पुस १ गतेसम्म खरिद आवेदन दिन सकिने व्यवस्था गरिएको थियो । त अब भने हकप्रद खरिदका लागि पुस १६ गतेसम्म आवेदन दिन सकिने भएको छ ।  

कम्पनीले चुक्तापूँजीको १०ः६.२५६ अनुपातमा १०० रुपैयाँ अंकित दरका ९६ लाख ३१ हजार २२०.२२ कित्ता हकप्रद साधारण सेयरको बिक्री आवेदन खुल्ला गरेको छ ।  

कम्पनीले हकप्रद निष्कासन प्रयोजनका लागि कात्तिक २७ गते बुक क्लोज गर्ने निर्णय गरेको छ । यसर्थ कात्तिक २६ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीले निष्कासन गर्ने हकप्रद खरिद गर्न योग्य हुनेछन् ।