शाइन रेसुङ्गा डेभलपमेन्ट बैंकको सेयरमूल्य समायोजन

काठमाण्डौ । शाइन रेसुङ्गा डेभलपमेन्ट बैंक लिमिटेडको सेयरमूल्य समायोजन भएको छ । बैंकले गत आवका लागि आफ्ना सेयरधनीहरुलाई घोषणा गरेको ३ प्रतिशत बोनस सेयरका लागि सेयरमूल्य समायोजन भएको हो ।  

नेप्सेमा भएको समायोजनपश्चात बैंकको सेयरमूल्य प्रतिकित्ता ४४९.५१ रुपैयाँ कायम भएको छ । बैंकको सेयरमूल्य समायोजन हुनुअघि प्रतिकित्ता ४६३ रुपैयाँ कायम थियो ।  

यससँगै आजबाट नयाँ समायोजित मूल्य अनुसार बैंकको सेयर कारोबार हुनेछ ।    

बैंकले गत  गत आव २०८०/८१ सम्मको वितरणयोग्य सञ्चित मुनाफाबाट ३ प्रतिशत बोनस सेयर र ५ प्रतिशत नगद लाभांश(कर प्रयोजनका लागि समेत)गरी कुल ८ प्रतिशत लाभांश घोषणा गरेको छ । यो लाभांश आगामी पुस १९ गते ड्रिमल्याण्ड गोल्ड रिसोर्ट एण्ड होटलमा बिहान ११ बजेदेखि आयोजना हुने बैंकको साधारण सभाबाट पारित गरी वितरण गरिनेछ ।