पाँच महिनामा लगानीकर्ताले तिरे ७ करोड क्लोज आउट, कसले पाउछ जरिवाना रकम ?

काठमाण्डौ । चालु आर्थिक वर्षको पाँच महिना लगानीकर्ताले ७ करोड क्लोज आउटबापतको जरिवाना तिरेका छन् । सीडीएस एण्ड क्लियरिङको तथ्यांकअनुसार मंसिर मसान्तसम्म क्लोज आउटमा परेको ७ लाख ७२ हजार ७७९ कित्ता सेयरबाट लगानीकर्ताले करिब ३५ करोड क्लोजआउटको जरिवाना रकममा २० प्रतिशतले हुन आउने ७ करोड जरिवाना तिरका हुन् ।  

यस्तो जरिवाना सेयर लगानीकर्ताले सेयर बेचेर समयमा नै सेयर हस्तान्त्रण नगर्दा बेच्ने लगानीकर्ताले किन्ने लगानीकर्तालाई तिर्ने रकम हो । सीडीएससीको तथ्यांक हेर्दा यस्तो रकम सेयर बजार बढेको समयमा र नयाँ लगानीकर्ता सेयर बजार प्रवेश गर्दा बढी हुने गरेको देखिन्छ ।  

नयाँ लगानीकर्ताहरुलाई सेयर बेचेपछि समयमा नै इडीआइएस नगर्दा क्लोज आउटको जरिवाना तिर्नुपर्ने जानकारी नुहँदा यस्तो हुने गरेको पाइन्छ । सेयर बेच्ने लगानीकर्ताले समयमा सेयर हस्तान्तरण नगरेको खण्डमा क्लोज वाउटवापतको जरिवाना तिर्नुपर्ने हुन्छ । यस्तो रकमको २५ प्रतिशत आकस्मिक जरिवाना कोषमा जाने गर्छ भने बाँकी किन्ने लगानीकर्तालाई ब्रोकरहरुले दिने गर्छन् ।