यो साता ५० दिने ‘मुभिङ एभरेज’मा प्रतिरोध सामना गरेको नेप्सेको आगामी यात्रा कस्तो ?

काठमाण्डौ । यो साता सेयर बजारमा ५ दिन कारोबार भयो । पाँच दिनमा बजार ४ दिन बढ्यो भने १ दिन मात्रै घट्यो । अघिल्लो साता २ हजार ५८६ विन्दुमा बन्द भएको बजार यो साता २ हजार ६३५.९ विन्दुमा बन्द भयो ।  

यस हिसाबले यो साता बजारमा ४८.८६ अंकले सुधार आयो । अघिल्लो साता भने बजारमा ४४.४८ अंकको गिरावट आएको थियो । यो साता नेप्सेमा ३० अर्ब २६ करोड रुपैयाँबराबरको कारोबार भयो । अघिल्लो साता भने १९ अर्ब ३५ करोड रुपैयाँबराबरको कारोबार भएको थियो ।  

यस हिसाबले यो साता सूचक र काराबोर दुबै बढ्यो । यो साता बजार पूँजीकरण ४३ खर्ब ७० अर्ब पुगेको छ । यस्तो बजार पूँजीकरण अघिल्लो साता ४२ खर्ब ८९ अर्ब थियो । यस हिसाबले यो साता बजार पूँजीकरण झण्डै ८१ अर्बले बढेको छ ।  

प्राविधिक पक्षः  

यो साता नेप्सेले ५० दिने मूभिङ एभरेजमा प्रतिरोध सामना गरको छ । मूभिङ एभरेजले घट्दो बजारमा प्रतिरोध र बढ्दो बजारमा सपोर्टको पनि काम गरेको हुन्छ । यो साता बजारमा बढोत्तरी आएता पनि २६७५ विन्दुमा प्रतिरोध सामना गरेको छ । यस हिसाबले यो साता २६३५ को विन्दुमा बन्द भएको बजार यदि आगामी साता २६७५ विन्दुभन्दा माथि बन्द भएको खण्डमा बजारले अप ट्रेन्ड लिएको मान्न सकिन्छ । बजारलाई मनी फ्लो इन्डेक्सबाट नियाल्दा करिब ओभर सोल्ड जोनबाट फर्केर ४९ को तहमा पुगेको छ । यसले बजारमा यो साता कारोबार तथा भोल्युममा भने सुधार आएको देखिन्छ ।  

बोलिङ्गर ब्याण्ड, म्याक्डी र आरएसआई  

बोलिङ्गर ब्याण्डको आधारमा डेली बेसमा यो साता बजार मध्य ब्याण्ड भन्दा माथि चलेको देखिन्छ । तर साप्ताहिक रुपमा नियाल्दा भने बजारले मध्य ब्याण्ड २६६३ विन्दुमा नै प्रतिरोध सामना गरेको छ । साप्ताहिक रुपमा म्याक्डीमा केही समय पहिले बनेको बियरिस क्रसओभर भ्यालिड नै रहेको छ । तर हिस्टोग्राम फिक्का हुँदै गएको छन् । आरएसआई न्यूट्रल जोन माथि ‘डब्लु’ आकार बनाएको देखिन्छ । समग्रमा इन्डिकेटरबाट नियाल्दा बजार साइडवेज चलेको देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – २७३२

प्रतिरोध २ – २६८६

प्रतिरोध १–  २५९०

पिभट् प्वइन्टः २४९५

घटेमा सपोर्ट  

सपोर्ट १– २५४०

सपोर्ट २– २४९५

सपोर्ट  ३ –२४४४

निष्कर्षः अघिल्लो साता ४४ अंकले घटेको बजार यो साता ४८ अंकले सुधार आयो । यो साता बजार बढ्दा कारोबार तथा भोल्युममा पनि सुधार आयो । पछिल्लोपटक बजार ३ सातादेखि २५६० देखि २६६० को विन्दुमा साइडवेज चलेको देखिन्छ । प्राविधिक रुपमा बजारलाई इलिअट वेभबाट नियाल्दा यो साता ‘सी’ वेभ भित्रको पाँचौ वेभको करेक्सन पनि सकिएर अब सुधारको बाटोतर्फ बजार लाग्न सक्ने देखिन्छ । यसका लागि बजार आगामी साताबाट २६७५ विन्दु भन्दा माथि बन्द हुनुपर्ने हुन्छ ।  

क्षेत्रगत रुपमा हेर्दा यो साता कारोबार र वाणिज्य बैंक समूहमा केही बिक्री दबाब देखिएता पनि बाँकी सबै उपसमूहमा हरियाली छायो ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।