वाणिज्य बैंकहरुले कमाए रु.३६.०६ अर्ब नाफा, ११ बैंकको घट्यो

काठमाण्डौं । वाणिज्य बैंकहरुले ३६ करोड रुपैयााँ भन्दा बढी नाफा कमाएका छन् । नेपाल राष्ट्र बैंकले सार्वजनिक गरेको तथ्याङ्कअनुसार वाणिज्य बैंकहरुले चालु आवको ७ महिनासम्ममा ३६ अर्ब ६ करोड ७९ लाख रुपैयाँ नाफा कमाएका हुन् ।  

यो नाफा गत आवको तुलनामा १.६२ प्रतिशत बढी हो । गत आवको सोही अवधिसम्म वाणिज्य बैंकहरुले ३५ अर्ब ४९ करोड २४ लाख रुपैयाँ नाफा कमाएका थिए ।  

सो अवधिसम्म आधा बैंकहरुले गत आवको तुलनामा मुनाफा बढाएका छन् भने आधा बैंकको नाफा गत आवको तुलनामा बढेको छ ।  

माघ मसान्तसम्म सबैभन्दा बढी नाफा कमाउनेमा नबिल बैंक रहेको छ । नबिलले सो अवधिसम्म ४ अर्ब १ करोड ११ लाख रुपैयाँ नाफा आर्जन गरेको छ । यो नाफा गत आवको सोही अवधिसम्मको तुलनामा ०.६२ प्रतिशत बढी हो ।  

त्यस्तै, दोस्रो बढी नाफा कमाउनेमा ग्लोबल आइएमई बैंक रहेको छ । बैंकले ३ अर्ब ८९ करोड रुपैयाँ नाफा कमाएको छ । यो नाफा गत आवको सोही अवधिसम्मको तुलनामा ४५.०१ प्रतिशत बढी हो ।  

यसका साथै नेपाल इन्भेष्टमेन्ट मेगा बैंकले ३ अर्ब ४३ करोड, एभरेष्टले २ अर्ब ५७ करोड, नेपाल बैंकले २ अर्ब ४५ करोड, एनएमबिले २ अर्ब ३४ करोड, प्राइम कमर्सियलले २ अर्ब १८ करोड, स्ट्याण्डर्ड चार्टर्डले १ अर्ब ८३ करोड, प्रभुले १ अर्ब ८३करोड, लक्ष्मी सनराइजले १ अर्ब ५८ करोड, हिमालयन बैंकले १ अर्ब ४७ करोड र सानिमा बैंकले १ अर्ब ३७ करोड रुपैयाँ नाफा कमाएको छ ।  

त्यस्तै, राष्ट्रिय वाणिज्य बैंकले १ अर्ब २३ करोड, नेपाल एसबिआईले १ अर्ब ९ करोड, माछापुच्छ्रेले ९६ करोड, कृषि विकासले ७९ करोड, सिटिजन्सले ९० करोड, सिद्धार्थले ८५ करोड, कुमारीले ७३ करोड र एनआइसी एशिया बैंकले जम्मा ४६ करोड रुपैयाँ नाफा कमाएको छ ।  

गत आवको तुलनामा सबैभन्दा बढी नाफा बढाउनेमा नेपाल बैंक रहेको छ । बैंकले १५६.३१ प्रतिशतले नाफा बढाएको छ । त्यस्तै, दोस्रो बढी नाफा बढाउनेमा प्रभु बैंक रहेको छ । यो बैंकले पनि ९७.७८ प्रतिशत बढीले नाफा बढाएको छ ।  

त्यस्तै, सबैभन्दा बढी नाफा घट्नेमा भने एनआइसी एशिया रहेको छ । बैंकको नाफा ७८.३१ प्रतिशतले नाफा घटेको छ । अन्य नाफा घट्ने बैंकहरुमा राष्ट्रिय वाणिज्य बैंक, स्ट्याण्डर्ड चार्टर्ड, हिमालयन, माछापुच्छ्रे, कुमारी, सिद्धार्थ, कृषि विकास, सिटिजन्स, प्राइम कमर्सियल र सानिमा बैंक रहेका छन् ।