सुनको मूल्य स्थिर, चाँदीको भने घट्यो

काठमाण्डौ । बिहिबार घरेलु बजारमा सुनको मूल्य स्थिर रहेको छ । नेपाल सुनचादी व्यवसायी महासंघले प्रकाशित गरेको मूल्यसूची अनुसार आज सुनको मूल्यमा कुनैपनि परिवर्तन भएको छैन ।  

महासंघका अनुसार आज सुनको मूल्य प्रतितोला १ लाख ७६ हजार रुपैयाँ कायम भएको छ । अघिल्लो दिन पनि सुनको यही मूल्य कायम थियो । यो मूल्य हालसम्मकै उच्च हो ।  

यस्तै आज चाँदीको मूल्य भने घटेको छ । चाँदीको मूल्य १५ रुपैयाँले घट्दै प्रतितोला २ हजार ३० रुपैयाँ कायम भएको छ । अघिल्लो दिन चाँदीको मूल्य प्रतितोला २ हजार ४५ रुपैयाँमा किनबेच भएको थियो ।