.gif)
.jpg)
.png)
काठमाण्डौ । शाइन रेसुङ्गा डेभलपमेन्ट बैंक लिमिटेडले गत आर्थिक वर्षमा ६८ करोड ८६ लाख रुपैयाँ नाफा कमाएको छ । बैंकको यो नाफा अघिल्लो आवको तुलनामा ०.४८ प्रतिशत मात्रै बढी हो । अघिल्लो आवमा बैंकले ६८ करोड ५३ लाख रुपैयाँ नाफा कमाएको थियो । बैंकको खुद ब्याज आम्दानी बढेसँगै नाफामा सु्धार देखिएको हो ।
गत आवमा बैंकको खुद ब्याज आम्दानी २ अर्ब ६६ करोड ७० लाख रुपैयाँ पुगेको छ, जुन यो ९.४८ प्रतिशत बढी हो । अघिल्लो आवमा बैंकको खुद ब्याज आम्दानी २ अर्ब ३५ करोड २ लाख रुपैयाँ थियो । गत आवमा बैंकको निक्षेप संकलन ८.८१ प्रतिशत बढेर ७१ अर्ब ७६ करोड ७१ लाख रुपैयाँ पुगेको छ भने कर्जा परिचालन ९.४८ प्रतिशत बढेर ५६ अर्ब ९३ करोड ४१ लाख रुपैयाँ पुगेको छ ।
बैंकको चुक्तापूँजी ४ अर्ब ८७ करोड रुपैयाँ रहेकोमा रिटेन्ड अर्निङ ६३.०४ प्रतिशतले बढेर ६८ करापेड ४ लाख रुपैयाँ, रिजर्भ फण्डको आकार ४.९३ प्रतिशतले बढेर १ अर्ब ८२ करोड ६६ लाख रुपैयाँ संचित गर्न सफल भएको छ । बैंकको खराब कर्जा ३.४३ प्रतिशतबाट बढेर ४.२४ प्रतिशत पुगेको छ भने कस्ट अफ फण्ड ४.८५ प्रतिशत, सिडि रेसियो ८२.६० प्रतिशत, बेस रेट ६.४१ प्रतिशत, स्प्रेड दर ४.१८ प्रतिशत, आरओइ ९.६५ प्रतिशत, आरओए ०.८९ प्रतिशत रहेको छ ।
बैंकको इपीएस १४.४८ रुपैयाँबाट घटेर १४.१२ रुपैयाँ कायम भएको छ भने प्रतिसेयर नेटवर्थ १५१.४२ रुपैयाँ, पीई रेसियो ३०.५९ गुणा, तरलता अनुपात २७.३४ प्रतिशत र क्यापिटल एडुकेसी रेसियो १२.५८ प्रतिशत रहेको छ । सो अवधिसम्म बैंकको वितरणयोग्य मुनाफा ६८ करोड ४ लाख ६० हजार रुपैयाँ रहको छ । यसर्थ बैंकको लाभांश क्षमता १३.९६ प्रतिशत रहेको छ ।
.png)
.jpg)
.jpg)
(2).jpg)
.jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।