विराटनगरस्थित भाटभटेनीमा भेटियो एकजनाको शव

काठमाण्डौ । आगजनीमा परेको विराटनगरस्थित भाटभटेनी सुपरमार्केटमा एकजना व्यक्तिको शव भेटिएको छ । उक्त भवनको सरसफाइ गर्ने क्रममा दोस्रो तल्लामा शव भेटिएको हो ।

शव पूर्ण रूपमा जलेको अवस्थामा फेला परेको प्रहरीले जनाएको छ ।

जेनजी आन्दोलनका क्रममा विराटनगरस्थित भाटभटेनी सुपरमार्केट मार्केटमा आगजनी तथा तोडफोड भएको थियो । उक्त शव लुटपाटमा गएका व्यक्तिको हुनसक्ने प्रहरीले अनुमान गरेको छ । शवको पहिचान भने हुन सकेको छैन ।

आन्दोलनका क्रममा भाटभटेनी सुपरमार्केटलाई लक्षित गरेर देशभर तोडफोड तथा आगजनी भएको थियो ।