विपिन जोशीको शव नेपाल ल्याइँदै

काठमाण्डौ । हमासको नियन्त्रणमा मारिएका विपिन जोशीको शव नेपाल ल्याइने भएको छ । सुदुरपश्चिम प्रदेशको कन्चनपुर जिल्ला स्थायी ठेगाना भएका जोशीका शव सोमबार स्वदेश ल्याइने भएको हो ।

उनको शव सोमबार दिउँसो फ्लाई दुबईको विमानमार्फत् काठमाण्डौ ल्याइनेछ।

विपिन जोशीलाई हमासले गत २०२३ अक्टुबर ७ किबुत्ज क्षेत्रबाट नियन्त्रणमा लिदै बन्धक बनाएको थियो ।

उनी अध्ययनको सिलसिलामा इजरायल गएका थिए । उनको अवस्था लामो समयसम्म अज्ञात थियो । तर गत असोज २७ गते इजरायली अधिकारीहरुले उनको मृत्यु भएको पुष्टि गरेका थिए ।