आईफोनको क्यामेराको नजिकै किन हुन्छ सानो प्वाल ? डिजाइनका लागि मात्रै हो कि अरुनै छ कारण ?

काठमाण्डौ । के तपाईले आईफोनको मोड्युलमा रहेको सानो प्वालमा विचार गर्नु भएको छ। धेरै वर्षदेखि आईफोन प्रयोग गर्नेहरूले पनि यसको बारेमा नजान्न सक्छन्। यो प्वाल मात्र डिजाइनको हिस्सा जस्तो लाग्न सक्छ, तर वास्तवमा यो माइक्रोफोन हो।

हो, यो प्वालले खास काम गर्छ। आईफोनलाई त्यसै क्रिएटिभ फोन भनेर मानिएको होइन । कम्पनीले प्रयोगकर्ता र कन्टेन्ट क्रिएटरको आवश्यकता अनुसार यसमा विभिन्न उपयोगी फीचरहरू राखेको छ। क्यामेरा मोड्युलको यो सानो प्वाल भिडियो रेकर्डिङको समयमा आवाज ठीकसँग क्याप्तर गर्नको लागि राखिएको माइक्रोफोन हो। आईफोनमा रहेका धेरै माइक्रोफोनमध्ये यो एउटा हो, जसले तपाईंको भिडियोको अडियो क्वालिटी उत्कृष्ट बनाउँछ।

क्यामेरा मोड्युलको नजिकको माइक्रोफोन

वास्तवमा, आईफोनमा धेरै माइक्रोफोनहरू हुन्छन्। तीमध्ये एउटा माइक्रोफोन पछाडि पनि राखिएको हुन्छ। यसको मुख्य काम भिडियो रेकर्ड गर्दा आवाजलाई ठीकसँग कैप्चर गर्नु हो। जब तपाईं भिडियो रेकर्ड गर्दै हुनुहुन्छ, यो माइक्रोफोनले क्यामेराको अगाडि भइरहेको आवाजमा ध्यान केन्द्रित गर्छ।

यसले काम कहिले गर्छ ?

आईफोन प्रयोग गरेर कुनै कन्सर्ट, परिवारको जमघट वा ब्लगिङको भिडियो बनाउँदा, त्यसमा सुनिने आवाज सामान्यतया यति स्पष्ट हुँदैन। तर, आईफोनको पछाडिको माइक्रोफोनको कारण नै आवाज क्रिस्टल क्लियर सुनिन्छ। यसले भिडियो अधिक प्राकृतिक बनाउँछ।

यदि तपाईं भिडियो रेकर्ड गर्दा उत्कृष्ट अडियो क्वालिटी चाहनुहुन्छ भने, यो माइक्रोफोन अत्यन्त उपयोगी हुन्छ। चाहे तपाईं सामान्य प्रयोगकर्ता हुनुहुन्छ वा सामाजिक सञ्जालका लागि कन्टेन्ट बनाउने व्यक्ति, सबैका लागि यो माइक्रोफोन उपयोगी छ।