श्री एयरलाइन्सले प्रिमियममा आइपीओ जारी गर्ने, बोर्डसँग माग्यो अनुमति

काठमाण्डौ । श्री एयरलाइन्स लिमिटेडले प्रिमियममा आइपीओ जारी गर्ने भएको छ । कम्पनीले प्रिमियम मूल्यमा आइपीओ निष्कासनको अनुमति माग्दै नेपाल धितोपत्र बोर्ड (सेबोन)सँग अनुमति मागेको छ ।  

कम्पनीले अंकित मूल्य १०० रुपैयाँमा थप सय रुपैयाँ थप गरी प्रतिकित्ता २०० रुपैयाँका दरले सेयर निष्कासनको अनुमति मागेको हो ।  

कम्पनीले १ अर्ब २६ करोड रुपैयाँ बराबरको ६३ लाख कित्ता सेयर निष्कासनको अनुमति माग्दै बोर्डमा गत पुष १८ गते निवेदन दिएको थियो ।  

कम्पनीको धितोपत्र निष्कासन तथा बिक्री प्रबन्धकमा भने हिमालयन क्यापिटल लिमिटेड रहेको छ ।