आईसीटी फाउन्डेसन नेपालद्वारा गुगल करियर प्रमाणपत्रका लागि ५०० पूर्ण छात्रवृत्ति खुल्ला

काठमाण्डौ । आईसीटी फाउन्डेसन नेपाल (IFN) ले गुगल एलएलसी र मेरोजब लिमिटेडको सहकार्यमा ‘गुगल करियर प्रमाणपत्र छात्रवृत्ति कार्यक्रम २०२६’ का लागि आवेदन खुला गरेको छ। सूचना प्रविधि र प्रविधिसँग सम्बन्धित क्षेत्रमा आफ्नो क्षमता अभिवृद्धि गर्न चाहने नेपाली सिक्नेहरूलाई लक्षित गरी यो कार्यक्रम सुरु गरिएको हो।

कार्यक्रमअन्तर्गत नेपालभरिका योग्य उम्मेदवारहरूका लागि ५००वटा पूर्ण अनुदानित छात्रवृत्ति सिट उपलब्ध गराइनेछ। कार्यक्रममा सहभागी हुन पूर्वअनुभव अनिवार्य नरहेको आयोजकले जनाएको छ।

मेरो जब–गुगल करियर प्रमाणपत्र छात्रवृत्ति कार्यक्रम२०२६ अन्तर्गत आधिकारिक एनपीओ साझेदारका रूपमा कार्यान्वयन गरिएको यो पहलमार्फत सहभागीहरूले गुगलद्वारा डिजाइन गरिएका तथा कोर्सेरा मार्फत प्रदान गरिने व्यावसायिक तालिममा पहुँच पाउनेछन्। आईसीटी फाउन्डेसन नेपाल र मेरोजब लिमिटेडले स्थानीय स्तरमा समन्वय तथा सहयोग गर्नेछन्।

आयोजकका अनुसार कार्यक्रमले सहभागीहरूलाई मार्ग निर्देशित, लचिलो र करियरमुखी सिकाइ अवसर प्रदान गर्नेछ।यसले विश्वस्तरीय डिजिटल सीप हासिल गर्न चाहने विद्यार्थी, हालै स्नातक पूरा गरेका युवा, कार्यरत पेशेवर, महिला, पिछडिएका तथा जोखिममा रहेका समुदायका व्यक्ति, आर्थिक रूपमा विपन्न तरदृढ इच्छाशक्ति भएका सिक्नेहरू र करियर परिवर्तन गर्न चाहनेहरूलाई विशेष लाभ पुर्‍याउने अपेक्षा गरिएको छ।

उपलब्ध पाठ्यक्रमहरूमा साइबर सुरक्षा, डाटा एनालिटिक्स, डिजिटल मार्केटिङ र ई–कमर्स, आईटी सपोर्ट, परियोजना व्यवस्थापन, यूएक्स डिजाइन, आईटी अटोमेसन विथपाइथन, एडभान्स्ड डाटा एनालिटिक्स, बिजनेस इन्टेलिजेन्स, एआई इन्स्टलेस, प्रम्प्टिङ इन्स्टलेसर एआईप्रोफेशनल सर्टिफिकेट समावेश छन्।प्रत्येक पाठ्यक्रम पूरा गर्न ३ देखि ६ महिनासम्म लाग्नेछ रअनबोर्डिङ भएको ६ महिनाभित्र पूरा गर्नुपर्नेछ।

सिक्नेहरूले आफूले चाहेको एक वा एकभन्दा बढी पाठ्यक्रममा भर्ना हुनसक्ने व्यवस्था छ। तर, चयन गरिएका पाठ्यक्रम सफलतापूर्वक पूरा गर्न आवश्यक समय, प्रतिबद्धता र निरन्तर संलग्नता सुनिश्चित गर्नुपर्ने आयोजकले जनाएको छ।

कार्यक्रमका महत्वपूर्ण सर्तहरूमध्ये ६० दिन वा सोभन्दा बढी लगातार निष्क्रिय रहने सिक्नेको छात्रवृत्ति सीट अर्को योग्य उम्मेदवारलाई पुनःप्रदान गर्न सकिनेछ। कार्यक्रमको गुणस्तर सुनिश्चित गर्न मासिक प्रगति अनुगमन गरिनेछ भने छात्रवृत्ति प्राप्त गर्ने सहभागीहरूबाट कम्तीमा ७० प्रतिशत कार्यक्रम पूरा गर्ने अपेक्षा गरिएको छ। सहभागीहरूको व्यक्तिगत विवरण नेपालको कानुन अनुसार गोप्य रूपमा व्यवस्थापन गरिनेछ।

आवेदन फारम २२ अप्रिल२०२६ देखि खुला गरिएको हो भने आवेदन दिने अन्तिम मिति ३१ मे २०२६ सम्म रहनेछ। इच्छुक उम्मेदवारहरूलाई समयमै आवेदन दिन आयोजकले आग्रह गरेको छ । आवेदनका लागि : https://pages.merojob.com/google-career-certificate-program-ifn/ मा जान सकिनेछ ।