(1).gif)
(2).gif)
.png)
काठमाण्डौ । फाइनान्स कम्पनीहरुको वित्तीय अवस्थामा उल्लेख्य सुधार देखिएको छ । चालु आवको तेस्रो त्रैमाससम्म १५ फाइनान्स कम्पनीले ७० लाख ४० हजार रुपैयाँ खुद नाफा कमाएका छन् ।
यो नाफा गत आवको सोही अवधिसम्मको तुलनामा २७१.२२ प्रतिशत बढी हो । गत आवको सोही अवधिसम्म फाइनान्स कम्पनीहरुले १८ करोड ९६ लाख रुपैयाँ मात्रै नाफा कमाएका थिए ।
नेपाल राष्ट्र बैंकले बैंक तथा वित्तीय संस्थाहरुका लागि ल्याएको कर्जा पुनर्संरचना तथा पुनर्तालिकीकरणको व्यवस्थाले गर्दा फाइनान्स कम्पनीहरुको नाफामा उल्लेख्य सुधार देखिएको छ ।
सो अवधिसम्म १२ फाइनान्स कम्पनी नाफामा छन् भने ३ कम्पनी मात्रै घाटामा छन् । गत आवको सोही अवधिसम्म भने ५ कम्पनीले घाटा ब्यहोरेका थिए ।
सो अवधिसम्म सबैभन्दा बढी मन्जुश्री फाइनान्सले २१ करोड ८९ लाख रुपैयाँ नाफा कमाएको छ । यो नाफा गत आवको तुलनामा २७.९३ प्रतिशत बढी हो ।
गत आवको तुलनामा सबैभन्दा बढी नाफा ग्रोथ गर्नेमा गुडविल फाइनान्स रहेको छ । कम्पनीले ५६५.७२ प्रतिशतले नाफा बढाएको छ ।
त्यस्तै, प्रोग्रेसिभ फाइनान्स, जानकी फाइनान्स र नेपाल फाइनान्सले भने तेस्रो त्रैमाससम्म घाटा ब्यहोरेको छ ।
(2).gif)
.gif)
(1).gif)
ब्याज आम्दानीमा सामान्य सुधार
फाइनान्स कम्पनीहरको खुद ब्याज आम्दानीमा सामान्य सुधार देखिएको छ । तेस्रो त्रैमाससम्म कम्पनीहरुले २ अर्ब ९६ करोड ३८ लाख रुपैयाँ ब्याज आम्दानी गरेका छन् ।
यो व्यवसाय गत आवको सोही अवधिसम्मको तुलनामा ५.५० प्रतिशत बढी हो । गत आवको सोही अवधिसम्म कम्पनीहरुले २ अर्ब ८० करोड ९४ लाख रुपैयाँ ब्याज आम्दानी गरेका थिए ।
सो अवधिसम्म सबैभन्दा बढी मन्जुश्री फाइनान्सले ६८ करोड ४७ लाख रुपैयाँ खुद ब्याज आम्दानी गरेको छ ।
गत आवको तुलनामा सबैभन्दा यस्तो आम्दानी बढाउने कम्पनीमा भने गुडविल फाइनान्सले ७२.६२ प्रतिशतले ग्रोथ गरेको छ ।
गत आवको तुलनामा जानकी फाइनान्स, मल्टीपर्पस फाइनान्स, पोखरा फाइनान्स र श्री इन्भेष्टमेन्ट फाइनान्सको ब्याज आम्दानी भने घटेको छ ।
एनपीएलमा देखिए सुधार
फाइनान्सहरुको नाफामा सुधार देखिएपनि खराब कर्जा अनुपात (एनपीएल)मा भने सुधार देखिएको छैन ।
सो अवधिसम्म आइपुग्दा ५ कम्पनीले मात्रै एनपीएल घटाएका छन् भने १० कम्पनीको बढेको छ ।
एनपीएल घटाउने कम्पनीहरुमा मन्जुश्री फाइनान्स, रिलायन्स फाइनान्स, गुहेश्वरी मर्चेण्ट बैंक एण्ड फाइनान्स, प्रोग्रेसिभ फाइनान्स र समृद्धी फाइनान्स रहेका छन् ।
नेपाल राष्ट्र बैंकका अनुसार बैंक तथा वित्तीय संस्थाको एनपीएल ५ प्रतिशतसम्म भएमा मात्रै उक्त संस्थाको वित्तीय अवस्था स्वस्थ रहेको मानिन्छ । सो अवधिसम्म तीन फाइनान्स कम्पनी मन्जुश्री, आइसीएफसी र श्री इन्भेष्टमेन्ट एण्ड फाइनान्सको मात्रै एनपीएल ५ प्रतिशत भन्दा कम छ ।
.gif)
(1).gif)
इपीएस कुनको कति ?
करपछिको नाफालाई कुल सेयर संख्याले भाग गर्दा आउने प्रतिफललाई नै प्रतिसेयर आम्दानी (इपीएस) भनिन्छ । यो सूचकले कम्पनीको मुनाफा आर्जनको क्षमता देखाउने हुँदा कम्पनीको आधारभुत पक्षको विश्लेषणको प्रमुख सूचकको रुपमा लिइन्छ ।
सो अवधिसम्म सबैभन्दा धेरै इपीएस मन्जुश्री फाइनान्सको २१.६० रुपैयाँ रहेको छ भने सबैभन्दा कम इपीएस समृद्धि फाइनान्सको ०.१२ रुपैयाँ मात्रै रहेको छ ।
तीन कम्पनी प्राग्रेसिभ फाइनान्स, जानकी फाइनान्स र नेपाल फाइनान्सको इपीएस भने ऋणात्मक रहेको छ ।
अधिकांशको लाभांश क्षमता ऋणात्मक
तेस्रो त्रैमासिक विवरणअनुसार अधिकांश फाइनान्स कम्पनी लाभांश दिन नसक्ने अवस्थामा छन् ।
तीन कम्पनीबाहेक सबैको लाभांश क्षमता ऋणात्मक देखिएको छ । तेस्रो त्रैमाससम्ममा मन्जुश्री फाइनान्सको लाभांश क्षमता २२.६० प्रतिशत, आइसीएफसी फाइनान्सुको १.३८ प्रतिशत र श्री इन्भेष्टमेन्ट एण्ड फाइनान्सको १.९४ प्रतिशत रहेको छ ।
यसबाहेक १० कम्पनीको लाभांश क्षमता ऋणात्मक देखिएको छ ।
.png)
(3)(1).png)
