.gif)
_(1).gif)
.jpg)
.png)
काठमाण्डौ । लाइफ इन्स्योरेन्स कर्पोरेशन अफ इण्डिया(एलआईसी)ले भारतीय धनाढ्य गौतम अडाणी ग्रुपको कम्पनीहरुमा गरेको लगानीबाट ५९ प्रतिशत मुनाफा आर्जन गरेको छ ।
एलआईसीले आर्थिक वर्ष २०२३÷२४ को अडाणी ग्रुपको कम्पनीहरुमा गरेको लगानीबाट २२ हजार ३७८ करोड भारु मुनाफा आर्जन गरेको हो । भारतको स्टक एक्सचेञ्जको आँकडा अनुसार सन् २०२३ मार्च ३१ सम्म अडाणी ग्रुपको ७ वटा कम्पनीमा एलआईसीको कुल लगानी ३८ हजार ४७१ करोड भारु थियो । जुन सन् २०१४ मार्च ३१ सम्म आईपुग्दा बढेर ६१ हजार २१० करोड भारु पुगेको छ । अर्थात एलआईसीले एक आर्थिक वर्षमा यो लगानीबाट २२ हजार ३७८ करोड भारु नाफा कमाएको छ ।
(1).gif)
अडाणी इन्टरप्राइजेज लिमिटेडमा एलआईसीको लगानी सन् २०२३ मार्च ३१ मा ८ हजार ४९५.१ करोड भारुबाट बढेर एक वर्षपछि १४ हजार ३०५.५३ करोड भारु पुगेको छ । यस क्रममा अडाणी पोट्समा एलआईसीको लगानी १२ हजार ४५०.०९ करोड भारुबाट बढेर २२ हजार ७७६.८९ करोड भारु पुगेको छ ।
त्यस्तै अडाणी ग्रीन इनर्जी लिमिटेडमा एलआईसीको लगानी एक वर्षमा दोब्बरभन्दा बढीले वृद्धि भएर ३ हजार ९३७.६२ करोड भारु पुगेको छ । एलआईसीले अडाणी टोटल ग्यास लिमिटेड,अम्बुजा सिमेन्ट र एसीसीमा पनि आफ्नो लगानीमा राम्रो प्रतिफल हासिल गरेको छ ।
गत वर्ष हिन्डनबर्ग रिपोर्टमा अडाणी ग्रुपमाथि सेयरमा हेरफेर गरेको आरोप लागेपछि एलआईसीको ग्रुपमा लगानी गर्ने निर्णयमा प्रश्न चिन्ह खडा भएको थियो । तर अडाणी ग्रुपले उक्त आरोपलाई नकारेको थियो । -एजेन्सी
.gif)
.png)
.jpg)
.png)
.jpg)
.gif)
(1).gif)
.gif)
