(2).gif)
.jpg)
.png)
काठमाण्डौ । नेपाल इन्भेष्टमेन्ट मेगा बैंकका प्रमुख कार्यकारी अधिकृत ज्योतिप्रकाश पाण्डे प्रक्राउ परेपछि बैंकहरुको छाता संगठन नेपाल बैंकर्स संघले आकस्मिक बैठक बोलाएको छ ।
लिलामीबाट ऋण असुली गर्दा ‘ठगी तथा आपराधिक विश्वासघात गरेको’ भन्दै पाण्डे बुधबार पक्राउ परेका हुन् ।
पाण्डे पक्राउ परेपछि बैंकर्स संघका अध्यक्ष सन्तोष कोइरालाले नेपाल राष्ट्र बैंकका गभर्नर तथा अन्य वरिष्ठ अधिकारीहरूसँग परामर्श गरेका थिए । त्यसलगत्तै उनले प्रहरीको केन्द्रीय अनुसन्धान ब्यूरो (सीआईबी) का प्रमुख मनोज केसीसँग पनि भेटवार्ता गरेका हुन् ।
सीआईबी प्रमुखसँगको भेटपछि कोइरालाले बिहीबार बिहानै २० वटै वाणिज्य बैंकका प्रमुख कार्यकारी अधिकृत (सीईओ) र प्रतिनिधिहरूको आकस्मिक बैठक बोलाएका छन् ।
सीआईबीले स्मार्ट टेलिकमको सम्पत्ति लिलामी गरेर बैंकले ऋण असुल गरेको विषयलाई लिएर पाण्डेलाई बुधबार राति करिब ८ बजे नियन्त्रणमा लिएको थियो ।
.png)
.jpg)
.jpg)
