(1).gif)
(2).gif)
.png)
काठमाण्डौं । नेपालमा नयाँ राजनीतिक समीकरण बनेपछि अमेरिकाको उच्चस्तरीय कूटनीतिक सक्रियता बढेको संकेत देखिएको छ ।
अमेरिकी विदेश मन्त्रालयकी सार्वजनिक कूटनीति हेर्ने उपविदेशमन्त्री सारा बी रोजर्स नेपाल भ्रमणका लागि काठमाडौं आइपुगेकी छन् ।
(2).gif)
.gif)
(1).gif)
रोजर्स शनिबार राति भारतको नयाँदिल्ली हुँदै काठमाडौं आइपुगेकी हुन् ।
बालेन्द्र शाह नेतृत्वको रास्वपा सरकार गठनपछि नेपाल भ्रमण गर्ने उनी हालसम्मकै उच्च तहकी अमेरिकी कूटनीतिक अधिकारी हुन् ।
यसअघि दक्षिण तथा मध्यएसिया मामिला हेर्ने अमेरिकी सहायक विदेशमन्त्री समीर पल कपुर र अमेरिकी राष्ट्रपति डोनाल्ड ट्रम्पका दक्षिण तथा मध्यएसिया विशेषदूत सर्जियो गोरले नेपाल भ्रमण गरेका थिए ।
पछिल्ला यी भ्रमणहरूलाई नेपालप्रति अमेरिकी कूटनीतिक चासो बढेको संकेतका रूपमा हेरिएको छ ।
काठमाडौं भ्रमणका क्रममा उपविदेशमन्त्री रोजर्सले नेपाल सरकारका उच्च अधिकारी, राजनीतिक दलका नेता तथा कूटनीतिक क्षेत्रका प्रतिनिधिहरूसँग भेटवार्ता गर्ने कार्यक्रम रहेको बताइएको छ ।
.gif)
(1).gif)
नेपालस्थित अमेरिकी दूतावासले उनको सम्मानमा आइतबार ‘द एसेन्ट समिट’ नामक विशेष कार्यक्रम आयोजना गर्दैछ ।
उक्त कार्यक्रममा रोजर्स प्रमुख अतिथिका रूपमा सहभागी हुने जनाइएको छ ।
सार्वजनिक कूटनीति हेर्ने जिम्मेवारीमा रहेकी रोजर्सको भ्रमणलाई दुई देशबीचको जनस्तरीय सम्बन्ध, शिक्षा, सूचना आदानप्रदान, लोकतान्त्रिक अभ्यास तथा साझेदारी विस्तारसँग जोडेर हेरिएको छ ।
पछिल्लो समय दक्षिण एसियामा भू–राजनीतिक प्रतिस्पर्धा बढिरहेका बेला नेपालमा अमेरिकी उच्च अधिकारीहरूको बाक्लिएको भ्रमणलाई अर्थपूर्ण रूपमा हेरिएको छ ।
नयाँ सरकार गठनपछि अन्तर्राष्ट्रिय साझेदारहरूले नेपालको राजनीतिक दिशा, आर्थिक प्राथमिकता र विदेश नीतिप्रति चासो राख्दै आएका छन् ।
अमेरिकी पक्षले भने यस्ता भ्रमणलाई दुई देशबीचको दीर्घकालीन सम्बन्ध मजबुत बनाउने नियमित कूटनीतिक संवादको हिस्सा भएको बताउँदै आएको छ ।
.png)
.jpg)
.jpg)
