.gif)
_(1).gif)
.png)
काठमाण्डौ । यो साता सेयर बजारमा ४ दिन कारोबार भयो । चार दिनमा बजार ४ दिन नै घट्यो । अघिल्लो साता २०२५.७० मा बन्द भएको बजार यो साता १९७२.१४ को विन्दुमा बन्द भयो । यस हिसाबले यो साता दोस्रो बजारमा ५३.५६ अंकले गिरावट आयो । यो साता दोस्रो बजारमा १०.०५ अर्बको सेयर कारोबार भयो । अघिल्लो साता सेयरबजारमा ११.८८ अर्ब रुपैयाँबराबरको कारोबार भएको थियो. । यसरी यो साता नेप्से परिसूचक घट्दा कारोबारमा पनि गिरावट आयो । यो साता बजार पूँजीकरण ३१ खर्ब २७ अर्ब रुपैयाँ कायम भयो अघिल्लो साता बजार पूँजीकरण ३२ खर्ब १२ अर्ब थियो । यो साता नेप्से परिसूचकमा गिरावट आँउदा बजार पूँजीकरणपनि ८५ अर्बले घट्यो ।
प्राविधिक पक्षः
इलिअट वेभ
माथि लाग्ने ५ वेभमा पनि ३ वटा बढोत्तरीका र २ वटा सुधारका संकेत देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।
हामीले अघिल्लो साताको विश्लेषणमा भने जस्तै बजारलाई लगानीकर्ताको मनोविज्ञान, बजारले बनाएको चक्र, कारोबार र कारोबार रकम समेतको आधारमा हेर्दा ‘सी’ वेभ भित्रको एक १,२,३,४ र ५ चलेको देखिन्छ । जसमा अघिल्लो सात वेभ ४ मा बढोत्तरी आयो । यो साता वेभ ५ ले बजार २ हजार तल अर्थात १९७५ सम्म आएको छ । जसलाई वेभ १ बराबर वेभ ५ हुन्छ भन्ने इलिअट वेभको सिद्धान्तले पनि पुष्टि गर्छ ।
(1).gif)
त्यसै गरि बजारलाई अन्य इन्डिकेटरबाट हेर्दा बोलिङगर ब्याण्ड र आरएसआईले थप पुष्टि गरेको देखन्छि । अघिल्लो साता आरएसआई ५० को तहमा प्रतिरोध गरेर तल खसेको थियो । तर यो साता यस्तो विन्दु ३५ को तहमा आएको छ । प्रायः घट्दो बजारमा यस्तो विन्दु ओभरसोल्ड जोन ३० भन्दा तल पुगे पछि मात्रै बजारको करेक्सन सकिन्छ । मनीफ्लो इन्डेक्सबाट हेर्दा पनि बजार हाल २० को तहमा आएको छ । प्रायः बजार यही तह वा केही तल आएर फर्कन सक्छ । यस हिसाबले हेर्दा बजार करिबकरिब रिर्भसलको नजिक आएको देखिन्छ । तर यो साताकै बजारले त्यस्तो संकेत तथा कन्फरमेसन भने दिइ सकेको अवस्था होइन । त्यसैले आगामी साताको एकदुई कारोबार पछि बजारको अवस्था सुनिश्चित हुनेछ ।
बोलिङगर ब्याण्ड र आरएसआई
बोलिङगर ब्याण्डबाट हालको बजारलाई नियाल्दा केही समय पहिले माथिल्लो ब्याण्डबाट खसेको बजार अघिल्लो साता मध्य ब्याण्ड भन्दा पनि तल आएको छ । यो साता तल्लो ब्याण्डमा छोएको छ । म्याक्डीमार्फत नियाल्दा केही सयम पहिले बनेको वियरिस क्रसओभर भ्यालिड नै रहेको छ । हिस्टोग्राम नेगेटिभ र लामालामा नै रहेका छन् । आरएसआई हाल ओभर सोल्ड जोन ३० नजिक आएको छ । मनी फ्लो इन्डेक्स पनि ओभर सोल्ड जोन २० नजिक आएको छ ।
पिभट् विश्लेषण
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिने विधि हो ।
बढेमा प्रतिरोध
प्रतिरोध ३ –२०९४
प्रतिरोध २ –२०७०
प्रतिरोध १– २०२७
पिभट प्वइन्टः २०२४
घटेमा सपोर्ट
सपोर्ट १– २००१
सपोर्ट २– १९७७
सपोर्ट ३ –१९५५
निष्कर्षः यो साता दोस्रो बजारमा ४ दिनमात्रै सेयर कारोबार भयो । जसमा बजार ५३.५६ अंकले घटेर बन्द भयो । अघिल्लो साता भने बजार २१.६५ अंकले बढेर बन्द भएको थियो । हामीले गत साताको विश्लेषणमा भने जस्तै यो साता बजार इलिअट वेभको मिनेट डिग्रीको वेभ ५ चलेको देखिन्छ । आरएसआई र मनीफ्लो इन्डेक्स जस्ता इन्डिकेटरबाट नियाल्दा बजार ओभर सोल्ड जोन नजिक आएको देखिन्छ । बजारको विगतको अवस्थालाई समेत हेर्दा ओभर सोल्ड जोनमा पुगे पछि रिर्भसल हुने गर्छ । तर अहिले नै निश्चित भईसकेको भने छैन । यस कारण आगामी साता पनि एक–दुई कारोबारमा बजारमा करेक्सन आउन सक्छ ।
विभिन्न इन्डिकेटर र इलिअट वेभ मार्फत आगामी साताको बजारको प्रक्षेपण गर्नु पर्दा यदि आगामी साता देशको राजनीतिक , आर्थिक अवस्था र अन्तराष्ट्रिय परिस्थितिमा कुनै बदलाब नआएमा बजारले पिभट् प्वइन्टको तेस्रो सपोर्ट १९५० देखि १९६० को विन्दुबाट बलियो सपोर्ट लिएर करिब एक महिनाभन्दा बढी घटेको बजारले युर्टन लिनु पर्ने छ । जसलाई फिवोनसीको ०.६१ प्रतिशतको सिद्धान्त तथा ट्रेन्डलाईनले पनि थप पुष्टि गर्छ । यदि बजार यहाँबाट पनि तल जान्छ भने त्यो ट्रेन्डलाईनलाई ब्रेक डाउन गरेको र डाउ थेउरीमा नयाँ लोवर लो बन्ने छ । तर त्यो सम्भावना भने हाल बजारमा निकै कम छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
(89).jpg)
.jpg)
(1).jpg)
.jpg)
.gif)
(1).gif)
.gif)
