हायरको ‘खुसीको पल’ योजना, दशैंमा घरायसी सामग्री खरिद गर्दा आकर्षक उपहार

CORPORATE
मंगलवार, भाद्र ३०,२०८३ 16:05:41

काठमाण्डौ । बहुराष्ट्रिय घरायसी उपकरण निर्माता कम्पनी हायर स्मार्ट होमले नजिकिँदै गरेको नेपालीको महान् चाड दशैंलाई लक्षित गर्दै ‘हायरसँग खुसीको पल, सजाऔं हरेक घर’ योजना सञ्चालनमा ल्याएको छ ।

नेपालका लागि हायरको आधिकारिक वितरक नियोटेरिक नेपालले दशैंको अवसरमा विद्युतीय तथा घरायसी उपकरण खरिद गर्ने ग्राहकलाई लक्षित गर्दैयो योजना सार्वजनिक गरेको हो । योजनाअन्तर्गत हायर ब्रान्डका रेफ्रिजेरेटर, वासिङ मेसिन, चेस्ट फ्रिज र एसी खरिद गर्दा ग्राहकले विभिन्न उपहार, क्यास ब्याक तथा निःशुल्क जडान जस्ता सुविधा प्राप्त गर्नेछन् ।

योजना अन्तर्गत १९० लिटर वा सोभन्दा माथिका सिंगल डोर रेफ्रिजेरेटर खरिद गर्दा ग्राहकले १ हजार ४९० रुपैयाँ मूल्य पर्ने महाराजा ड्राई आइरन निःशुल्क प्राप्त गर्नेछन् ।

त्यस्तै, डबल डोर रेफ्रिजेरेटरका सम्पूर्ण मोडल खरिदमा ग्राहकले ‘स्योर सटगिफ्ट’का रूपमा५ हजार ४९०रुपैयाँ मूल्य पर्नेमहाराजा मिक्सर ग्राइन्डर प्राप्त गर्नेछन् ।साइड-बाइ-साइड रेफ्रिजेरेटरका सम्पूर्ण मोडल खरिदमा भने १६ हजार ९९० रुपैयाँ मूल्य पर्ने महाराजा फुड प्रोसेसर निःशुल्क उपलब्ध गराइने कम्पनीले जनाएको छ ।

वासिङ मेसिनतर्फ फुल्ली अटोमेटिकफ्रन्ट लोड वासिङ मेसिन खरिद गर्दा ग्राहकले इन्फ्रारेड कुक टप उपहार प्राप्त गर्नेछन् ।

यसैगरी, हायर ब्रान्डका इन्भर्टर एसीका सबै मोडल खरिदमा ग्राहकले ३ हजार रुपैयाँ मूल्य बराबरको निःशुल्क इन्स्टलेसन सुविधा प्राप्त गर्ने कम्पनीले जनाएको छ ।

कम्पनीका अनुसार यस योजनाअन्तर्गत ग्राहकले शून्य प्रतिशत ब्याजदरमा किस्ताबन्दी सुविधा मार्फत समेत हायरका विभिन्न उपकरण खरिद गर्न सक्नेछन्। यसले ग्राहकलाई एकैपटक पर्न ठूलो आर्थिक भार कम गर्ने कम्पनीको भनाइ छ ।