एमजी मोटर नेपालको चाडपर्व अफर, नयाँ गाडी किन्दा ३ लाख रुपैयाँसम्म बचत

काठमाण्डौ । एमजी मोटरको नेपालका लागि आधिकारिक वितरक पारामाउण्ट मोटर्स नेपालले चाडपर्वलाई लक्षित गर्दै विशेष अफर ‘Drive More, Celebrate More’ सार्वजनिक गरेको छ।

असोज ६ गतेदेखि छठ पर्वसम्म लागू हुने योजनाअन्तर्गत एमजीका विभिन्न मोडलका नयाँ गाडी खरिद गर्ने ग्राहकले ३ लाख रुपैयाँसम्म बचत गर्न सक्ने कम्पनीले जनाएको छ।

अफरअन्तर्गत ग्राहकले निःशुल्क अटो प्लस इन्स्योरेन्स, रोड ट्याक्स, सहज एक्सचेन्ज तथा सहज फाइनान्सिङ सुविधासमेत प्राप्त गर्नेछन्।

कम्पनीका अनुसार ‘Drive More, Celebrate More’ अफरमा MG HS PHEV/HEV, MG U9 EV, MG IM6, MG S6 EV, MG S5 EV र MG4 लगायतका मोडल समावेश छन्।

हालै नेपाली बजारमा सार्वजनिक गरिएको MG HS PHEV/HEV मा आधुनिक हाइब्रिड प्रविधिसँगै प्रिमियम कम्फर्ट र उत्कृष्ट पर्फर्मेन्स उपलब्ध रहेको कम्पनीले जनाएको छ।

त्यस्तै, MG U9 EV क्षमता र बहुउपयोगितालाई केन्द्रमा राखेर तयार गरिएको फोर ह्वील ड्राइभ (4x4) इलेक्ट्रिक पिकअप हो।

कम्पनीका अनुसार MG S6 EV मा १८० किलोवाट क्षमताको मोटर, रियर ह्वील ड्राइभ (RWD), इन्डिपेन्डेन्ट रियर सस्पेन्सन तथा एकपटकको चार्जमा ५३० किलोमिटरसम्मको रेन्ज उपलब्ध छ।

ग्राहकमाझ लोकप्रिय MG S5 EV भने ४३ लाख ९९ हजार रुपैयाँदेखि उपलब्ध रहेको कम्पनीले जनाएको छ। यसमा पनि RWD तथा इन्डिपेन्डेन्ट रियर सस्पेन्सन जस्ता विशेषता समावेश छन्।

विभिन्न हाइब्रिड तथा विद्युतीय मोडल उपलब्ध रहेकाले ग्राहकले आफ्नो आवश्यकता र रुचिअनुसार उपयुक्त गाडी छनोट गर्न सक्ने पारामाउण्ट मोटर्सले जनाएको छ।

कम्पनीले चाडपर्व अफरमा सहभागी हुन तथा उपलब्ध मोडल, मूल्य र सुविधाबारे थप जानकारी लिन नजिकको एमजी शोरुममा सम्पर्क गर्न ग्राहकलाई आग्रह गरेको छ।