काठमाण्डौ । रेमिटेन्स तथा मनी ट्रान्सफर कारोबार गर्ने कम्पनीहरूमध्ये सबैभन्दा बढी कर तिर्ने कम्पनीका रूपमा आइएमई लिमिटेड सम्मानित भएको छ।
राष्ट्रिय कर दिवस २०८३ को अवसरमा मंगलबार काठमाण्डौमा आयोजित विशेष समारोहमा अर्थमन्त्री स्वर्णिम वाग्लेले आइएमई लिमिटेडका अध्यक्ष हेमराज ढकाललाई उक्त सम्मान प्रदान गरेका हुन्।
सम्मान ग्रहण गर्दै अध्यक्ष ढकालले उल्लेख्य कर दाखिला गरेर मुलुकको आर्थिक विकासमा योगदान दिन पाउनु कम्पनीका लागि गौरवको विषय भएको बताए।
उनले रेमिटेन्स सेवालाई थप सरल, सहज र सुरक्षित बनाउँदै राष्ट्रिय तथा अन्तर्राष्ट्रिय बजारमा आइएमईको ब्रान्ड पहिचानलाई अझ उचाइमा पुर्याउने प्रतिबद्धता व्यक्त गरे।
हाल विभिन्न देशमा सयभन्दा बढी व्यावसायिक साझेदार नेटवर्कमार्फत सेवा प्रवाह गरिरहेको आइएमईले आगामी दिनमा प्रविधिमैत्री रेमिटेन्स सेवालाई थप प्रभावकारी बनाउने योजना अघि सारेको छ।
अध्यक्ष ढकालले रेमिटेन्स कारोबारमा मात्रै सीमित नरही आइएमईले विकास गरेको उद्यमशीलताको इकोसिस्टमलाई समेत थप मजबुत बनाउँदै लैजाने बताए।
उनका अनुसार उन्नत प्रविधि, गुणस्तरीय सेवा तथा व्यावसायिक गतिशीलतालाई प्राथमिकतामा राखेर कम्पनीले आफ्नो सेवा र व्यवसायलाई थप विस्तार गर्नेछ।
सन् २००१ मा स्थापना भएको आइएमईले नेपालमा वैदेशिक रोजगारीबाट भित्रिने विप्रेषणलाई औपचारिक बैंकिङ तथा वित्तीय प्रणालीमा ल्याउन महत्त्वपूर्ण भूमिका निर्वाह गर्दै आएको छ।
रेमिटेन्स कारोबारलाई संस्थागत र व्यवस्थित बनाउन पुर्याएको योगदानका कारण कम्पनीले यसअघि पनि विभिन्न राष्ट्रिय तथा अन्तर्राष्ट्रिय सम्मान प्राप्त गरिसकेको छ।
आइएमई यसअघि पनि पटक–पटक सर्वाधिक कर तिर्ने रेमिटेन्स कम्पनीका रूपमा सम्मानित भइसकेको छ।


प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।