मंगलवार, मंसिर १,२०८३ 05:42:53
  • मंगलवार, मंसिर १,२०८३ 05:42:53
Global IME Bank Limited

एकान्तकुनामा हुण्डी कारोबारको आशंकामा प्रहरीको छापा, १ करोड ६७ लाख नगदसहित तीन जना पक्राउ

Bizshala
एकान्तकुनामा हुण्डी कारोबारको आशंकामा प्रहरीको छापा, १ करोड ६७ लाख नगदसहित तीन जना पक्राउ
New Office

 

काठमाण्डौ । ललितपुरको एकान्तकुनाबाट हुण्डी कारोबारमा संलग्न रहेको आशंकामा प्रहरीले तीन जनालाई ठूलो परिमाणको नगदसहित पक्राउ गरेको छ।

काठमाण्डौ उपत्यका अपराध अनुसन्धान कार्यालयको टोलीले एकान्तकुना क्षेत्रमा कारबाही गर्दै १ करोड ६७ लाख रुपैयाँ नगदसहित तीन जनालाई नियन्त्रणमा लिएको हो।

पक्राउ पर्नेहरूमा भोजपुर नगरपालिका–३ घर भएका ३० वर्षीय दीपक खड्का, ललितपुरको गोदावरी नगरपालिका–१० घर भएका ३२ वर्षीय जयराम केसी र काठमाण्डौको बानेश्वर घर भएका प्रज्वल रिजाल रहेका छन्।

प्रहरीका अनुसार उनीहरू हुण्डीमार्फत अवैध रूपमा रकम लेनदेन गर्ने गतिविधिमा संलग्न रहेको आशंकामा पक्राउ परेका हुन्।

Shivam Cement
Mahalaxmi Development Bank
CG Motors

पक्राउ परेका तीनै जनालाई बरामद नगदसहित थप अनुसन्धान तथा आवश्यक कानुनी कारबाहीका लागि जिल्ला प्रहरी परिसर भद्रकाली पठाइएको छ।

काठमाण्डौ उपत्यका अपराध अनुसन्धान कार्यालयका प्रवक्ता प्रहरी उपरीक्षक (एसपी) रामेश्वर कार्कीले घटनाबारे थप अनुसन्धान भइरहेको जानकारी दिएका छन्।

औपचारिक बैंकिङ प्रणालीबाहिर रकम स्थानान्तरण गर्ने हुण्डी कारोबारले वित्तीय पारदर्शिता तथा सम्पत्ति शुद्धीकरण नियन्त्रणमा चुनौती सिर्जना गर्ने गरेको छ।

यद्यपि, पक्राउ परेका व्यक्तिहरूको वास्तविक संलग्नता र बरामद रकमको स्रोतबारे अनुसन्धानपछि थप तथ्य खुल्ने अपेक्षा गरिएको छ।

Garima Development Bank
Bizshala
IME remit
Global IME Bank Limited

प्रतिक्रिया

0 प्रतिक्रिया
प्रतिक्रिया फारम तयार हुँदैछ...

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Bizshala
Bizshala
Bizshala
IME remit
Shikhar Insurance
Mahalaxmi Development Bank

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.