.gif)
_(1).gif)
काठमाण्डौ । युनाइटेड इदि मर्दी अर्थात (युएमआरएच) जलविद्युत कम्पनी नेप्सेमा सूचीकृत ९१ वटा जलविद्युत कम्पनीहरु मध्य एक हो । यो कम्पनी सन् १९७३ साल देखि कास्की जिल्लामा सञ्चालनमा रहेको छ । जसको उप्तादन क्षमता ७ मेगावट रहेको छ ।
आधारभूत पक्षः
यस आर्थिक वर्षको तेस्रो त्रैमासिक प्रतिबेदनअनुसार कम्पनीको चुक्तापूँजी जम्मा ४२ करोड रुपैयाँ रहेको छ । कम्पनीको जगेडाकोषको आकार ४ करोड ७७ लाख रुपैयाँ रहेको छ भने कुल पूँजी ४६ करोड ७७ लाख रुपैयाँबराबर रहेको छ । तेस्रो त्रैमाससम्म कम्पनीको खुद मुनाफा २ करोड २५ लाख रुपैयाँ रहेको छ । कम्पनीको प्रतिसेयर आम्दानी ७.१५ रुपैयाँ रहेको छ भने बुक भ्यालु ११३ रुपैयाँ रहेको छ । कम्पनीको रिर्टन अन इक्विटी ६.४२ प्रतिशत रहेको छ ।
प्राविधिक पक्षः
(1).gif)
फिएर एण्ड ग्रिड मिटर
फिएर एण्ड ग्रिड मिटरको आधारमा यो कम्पनीको सेयर भाउ हाल ७५ को तहमा बुलिस सेन्टिमेन्टमा चलेको छ । यो भनेको यस कम्पनीमा लगानीकर्ताको आकर्षण बढ्दै गएको छ भन्ने हो । कम्पनीको ५२ साताको उच्च मूल्य ४६३ रुपैयाँ रहेको छ भने न्यून मूल्य २६३ रुपैयाँ रहेको छ । कम्पनीको हाल ४४८ रुपैयाँमा अन्तिम कारोबार भएको छ । कम्पनीको शतप्रतिशत सेयर सर्वसाधारणमा परिणत भएको छ ।
इचिमोकू क्लाउड
इचिमोकु क्लाउड इन्डकिेटर सन् १९६८ मा एक जापानजि नागरकिले प्रतपिादन गरेका थिए । प्रतपिादनसँगै यो इन्डकिेटर त्यहाँस्थित एउटा टोकियो न्युज पेपरमा प्रकाशति भएको थियो । यससँगै यो इन्डिकेटर संसारभर प्रयोगमा आएको हो ।
अन्य इन्डिकेटरजस्तै यसमा पनि वभिन्नि रेखाहरु र क्यान्डल स्टिकको गतिलाई चार्टमा राखेर विश्लेषण गरिन्छ ।
यसअन्तर्गत कम्पनीको सेयर भाउ करिब २ महिना अघिदेखि नै बुलिस रहेको छ । मूल्य रेखाहरु क्लाउडको पोजिसन भन्दा माथि–माथि चलेका छन् । क्लाउडको पोजिसन पनि रातोबाट हरियो बनेको छ । बेस लाईनलाई कन्भर्जन लाइनले तलबाट काटेको छ । यी सबै कारणले यो कम्पनीको सेयर भाउ बुलिस देखिन्छ ।
बोलिङ्गर ब्याण्ड , म्याक्डी र आरएसआई
बोलिङ्गर ब्याण्डको आधारमा यो कम्पनीको सेयर भाउ लामो समयदेखि अपर ब्याण्डमा चलेको छ । आज अपर ब्याण्डमा वियरिस डोजी प्रकृतिको क्याण्डल बनेको छ । यसले आगामी दिनमा यो कम्पनीको सेयर भाउमा करेक्नस आउन सक्ने सम्भावना रहेको छ । म्याक्डीमा बुलिस क्रसओभर भ्यालिड नै रहेको छ । हिस्टोग्राम सकारात्मक र लामा–लामा नै रहेका छन् । आरएसआई ओभरबट जोन ८० बाट खसेर हाल ७४ को तहमा वियरिस डाइभर्जेन्स बन्दै गरेको देखिन्छ ।
पिभट् प्वइन्ट
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधारमानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –४९०
प्रतिरोध २ –४६५
प्रतिरोध १– ४५०
पिभट प्वइन्टः ४२५
घटेमा सपोर्ट
सपोर्ट १– ४१०
सपोर्ट २– ३८५
सपोर्ट ३ –३७०
निष्कर्षः आधारभूत रुपमा यो कम्पनीलाई नियाल्दा पछिल्लो वर्षमा रिर्टन अन इक्विटी र प्रतिसेयर आम्दानी घटेको देखिन्छ । बुक भ्यालुमा सामान्य प्रगति देखिन्छ भने खुद मूनाफामा गिरावट आएको छ । प्राविधिक रुपमा भने केही अल्पकालिन करेक्सन आउन सक्ने देखिन्छ । बोलिङ्गरको अपर ब्याण्डमा वियरिस डोजी प्रकृतिको क्याण्डल बनेको छ । त्यसै गरि आरएसआईमा वियरिस डाइभर्जेन्स बनेको छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
.jpg)
.jpg)
.jpg)
.png)
.png)
.gif)
.gif)
