.gif)
_(1).gif)
.jpg)
.png)
काठमाण्डौ । भारतीय केन्द्रीय बैंकले नोटबन्दी गरेको २ हजार दरका भारु नोटको २.१३ प्रतिशत नोट अझै फिर्ता भएको छैन । भारतको केन्द्रीय बैंक, रिजर्भ बैंक अफ इण्डिया(आरबीआई)ले बजारमा परिचालन गर्न बन्द गरेको २ हजार दरका भारु नोटबारे अपडेट गर्दै यस्तो जनाएको हो ।
आरबीआईले २ हजार दरका नोट फिर्ता गर्न जुलाई १ गतेसम्मको समयसीमा दिएको थियो । उक्त अवधिसम्म ९७.८७ प्रतिशत नोट मात्रै बैंकिङ प्रणालीमा फिर्ता आएको पीटीआईको रिपोर्टमा उल्लेख गरिएको छ । आम मानिसहरुसँग अझै पनि २ हजार दरका २.१३ प्रतिशत नोट बाँकी रहेको छ । यी दुई प्रतिशत नोटको मूल्य ७ हजार ५८१ करोड भारु हुन आउँछ ।
आरबीआईले गत वर्षको १९ मे मा २ हजार दरका नोट चलनचल्तीबाट हटाउने निर्णय गरेको थियो । त्यसबेला बजारमा २ हजार दरका कुल ३.५६ लाख करोड मूल्यबराबरको नोट परिचालित थियो । यो आँकडा सन् २०२३ डिसेम्बर २९ सम्म घटेर ९ हजार ३३० करोड भारुबराबर मात्रै पुगेको थियो । यहि समयबाट नोट फिर्ताको क्रममा केहि कमी आएको रिपोर्टमा उल्लेख गरिएको छ ।
आरबीआईले क्लिन नोट पोलिसी अन्तर्गत १९ मे २०२३ मा सर्कुलर जारी गर्दै २ हजार दरका नोट बजारबाट फिर्ता मगाउने निर्णय गरेको थियो । आरबीआईले स्थानिय बैंक तथा आरबीआई क्षेत्रीय कार्यालयमा यी नोटहरु फिर्ता गर्नका लागि सन् २०२३ को २३ मेसम्मको समय दिएको थियो । तर पछि यो समयसीमा बढाइएको थियो ।
.gif)
.png)
.jpg)
.jpg)
.jpg)
.gif)
.gif)
.gif)
