(1).gif)
(2).gif)
_(1).gif)
.png)
काठमाण्डौ । सेयर बजार खुलेको १ मिनेटमै अपर सर्किट लागेको छ ।
नेप्से परिसूचक ८२.४८ अंक(४.०१) प्रतिशतले बढेपछि सर्किट ब्रेकर लगाई नेपाल स्टक एक्सचेञ्जले २० मिनेटका लागि कारोबार रोकेको हो ।
बजार खुलेको केवल एक मिनेटमा २१९ कम्पनीको सेयर कारोबार भएकोमा २१६ कम्पनीको सेयरमूल्य बढेको हो ।
.gif)
केवल एक मिनेटमा बजार करिब ९ करोड कारोबार भएको छ ।
कांग्रेस एमालेको सत्ता समीकरण बन्ने निश्चित भई अर्थमन्त्रीको रुपमा सेयरबजारमैत्री नेता विष्णु पौडेलको पुनरागमन हुने भएसँगै लगानीकर्ताहरुमा उत्साहको अवस्था देखिएको हो ।
बजारले कांग्रेस एमालेबीचको सत्ता सहकार्यलाई हरियो कार्पेट बिछ्याएर स्वागत गरेको रुपमा आजको बजारको उछाललाई हेरिएको छ ।
हाल सेयर बजारमा नियमित कारोबार सुरु भएको पहिलो घण्टाभित्र नेप्से परिसूचक ४ प्रतिशत घटबढ भएमा २० मिनेटका लागि कारोबार स्थगित हुने व्यवस्था छ । त्यसपछि खुल्ने बजारमा दोश्रो घण्टाभित्र ५ प्रतिशतले नेप्से घटबढ भएमा दोश्रो सर्किट लागी ४० मिनेट कारोबार स्थगित गर्ने गरिन्छ ।
त्यसपछि सुचारु हुने बजार परिसूचक ६ प्रतिशत घटबढ भएमा सो दिनका बाँकी अवधिको सबै कारोबार स्थगन गर्ने व्यवस्था छ ।
.png)
(199).jpg)
(60).jpg)
.jpg)
.jpg)
(1).gif)
.gif)
