.gif)
.gif)
.png)
काठमाण्डौ । नेपाली बजारमा उपलब्धमध्ये ‘इभी एसयूभी’मध्ये सबैभन्दा बढी रेञ्ज दिने प्रिमियम सेगमेन्टको इभी स्काइवेलको शोरुम नक्सालमा पनि खुल्ने भएको छ ।
स्काइवेलको नेपालका लागि आधिकारिक बितरक जी मोटर्सका एक अधिकारीकाअनुसार नक्सालको नारायणचौरमा कम्पनीले शोरुम सञ्चालनको तयारी गरेको हो ।
ढिलोमा २ साताभित्र नक्सालमा स्काईवेलको शोरुम सञ्चालनमा ल्याउने गरी काम भइरहेको स्रोतको भनाई छ ।
यसअघि कम्पनीको भक्तपुरस्थित राधे राधेमा शोरुम सञ्चालनमा आइसकेको छ । काठमाण्डौबाहिर समेत केही मुख्य स्थानमा कम्पनीको शोरुम छन् ।
हाल नेपाली बजारमा उपलब्ध इभीमध्ये सिंगल चार्जमा ६२० किलोमिटर रेन्ज दिने स्काईवेलको इटी फाइभ मोडल मात्र हो । रेञ्ज र अत्याधुनिक तथा आकर्षक फिचर्सका कारण नेपाल आएको छोटो समयमै यो इभीले प्रिमियम सेगमेन्टका ग्राहकको ध्यान तान्ने सफलता पाइसकेको छ ।
स्काइवेल ईटी फाइभमा ८५.९ किलोवाट आवरको ब्याट्री प्याक रहेको छ भने १५० किलोवाट क्षमताको विद्युतीय मोटर रहेको छ ।
कम्पनीले यसको नेपाली मूल्य १ करोड ९ लाख रुपैयाँ राखेर बिक्री गरिरहेको छ ।
कम्पनीका अनुसार सो एसयूभी इन्टेलिजेन्ट स्टाइलिङ, इन्टेलिजेन्ट इन्जोइमेन्ट, इन्टेलिजेन्ट कनेक्टिभिटी, इन्टेलिजेन्ट ड्राइभिङ, इन्टेलिजेन्ट सेक्युरिटी, इन्टेलिजेन्ट इलेक्ट्रोनिक र इन्टेलिजेन्ट जोयमा आधारित रहेर प्योर ईभी प्ल्याटफर्ममा बनेका कारण अरुभन्दा विशेष छ ।
.png)
.jpg)
.jpeg)
.gif)
(1).gif)
.gif)
