ऋणपत्र निष्कासनको अनुमति माग गर्दै सिटिजन्स बैंकले दियो आवेदन

काठमाण्डौ । सिटिजन्स बैंक इन्टरनेशनल लिमिटेडले ऋणपत्र निष्कासनका लागी अनुमति माग गरेको छ । बैंकले ३ अर्ब रुपैयाँबराबरको सिटिजन्स बैंक डिबेञ्चर,२०९० नामक ऋणपत्र निष्कासनको माग गर्दै नेपाल धितोपत्र बोर्ड(सेबोन) मा आवेदन दिएको हो ।

बैंकले ऋणपत्र निष्कासनको अनुमति माग गर्दै गत माघ १२ गते आवेदन दिएको हो । बैंकले १ हजार रुपैयाँ अंकित दरका ३० लाख इकाई ऋणपत्र निष्कासन गर्नेछ । कुल इकाइमध्ये १८ लाख इकाइ व्यक्तिगत र बाँकी रहेको १२ लाख इकाइ भने आम सर्वसाधारणका लागि निष्कासन गरिनेछ ।

१० वर्षे अवधिको यो ऋणपत्रमा ८.५ प्रतिशत ब्याजदर प्रदान गरिनेछ । यो ऋणपत्रको निष्कासन तथा बिक्री प्रबन्धकमा हिमालयन क्यापिटल लिमिटेड रहेको छ ।