.gif)
.gif)
.png)
काठमाण्डौ । विश्वको सबैभन्दा धेरै वृद्ध नागरिकको जनसंख्या भएको देश, जापानमा बालिकालिकाको तुलनामा वयस्क व्यक्तिको डाइपर बढी बिक्री हुन थालेको छ । वृद्ध नागरिकको जनसंख्या बढ्न थालेपछि जापानका कम्पनीहरुले समेत वयस्क व्यक्तिको डाइपरको उत्पादन बढाएका छन् ।
यतिबेला जापानमा वयस्क व्यक्तिको डाइपरको माग ह्वात्तै बढेको छ भने बालकालिकाको डाइपरको माग घटेको छ । युरोमोनिटर मार्केट इन्टरनेशनलका अनुसार सन् २०२३ मा वयस्क डाइपरको विश्व बजार १२.८ बिलियन डलरबराबर रहेको थियो । जुन सन् २०२६ सम्म १५.५ बिलियन डलर पुग्ने अनुमान गरिएको छ । जापानमा सन् २०२३ मा वयस्क डाइपर बजारको मूल्य १.७ बिलियन डलरबराबर रहेको थियो । यो सन् २०२६ सम्म १.९ बिलियन डलर पुग्ने जनाइएको छ । जुन विश्वको कुल हिस्साको तुलनामा १२ प्रतिशत हुन आउछ ।
गत मार्च महिनामा जापानको डाइपर निर्माता कम्पनी ओजी होल्डिङ्सले बालबालिका लागि डाइपर उत्पादन बन्द गर्ने र वयस्क डाइपरको उत्पादन सुरु गर्ने घोषणा गरेको थियो । यद्यपी विदेशी बजारमा भने बालबालिका डाइपरको व्यवसायलाई भने यथावत राख्ने कम्पनीले जनाएको छ । सन् २०२३ मा कम्पनीले बालबालिकाको तुलनामा ७.३ प्रतिशत बढी वयस्क डाइपर बिक्री गरेको थियो ।
.gif)
अन्य जापानी कम्पनीहरुले पनि आफ्नो व्यवसाय परिवर्तन गर्न थालेका छन् । विद्युतीय सामाग्री उत्पादन कम्पनी पानासोनिकले पनि वृद्ध व्यक्ति लक्षित सामाग्रीहरु उत्पादन तथा विकास गर्न अनुसन्धान थालेको छ ।
जापानमा घट्दो जनसंख्यादर र बढ्दो वृद्ध नागरिकको संख्या अर्थतन्त्रका लागि चुनौतिका रुपमा देखा परेको छ । गत जुनमा जापान सरकारले जन्मदर लगातार ८ महिना घटेको रिपोर्ट सार्वजनिक गरेको थियो । सन् २०२३ मा जापानमा ७ लाख २७ हजार २७७ नवजात शिशुको जन्म भएको थियो । जुन १२० वर्षको न्यून जन्मदर हो ।
जापानमा यतिबेला प्रत्येक १० जनामा १ जना व्यक्ति ८० वर्ष वा सोभन्दा बढीको रहेको छ । यससँगै जापान विश्वकै वृद्ध देश बनेको छ । गत वर्ष जापानको कुल जनसंख्याको करिब ३० प्रतिशत ६५ वर्ष वा सोभन्दा माथि पुगेको थियो ।
जन्मदर बढाउन सन् २०२३ मा जापानका प्रधानमन्त्री फुमियो किसिडाले परिवारहरुलाई धेरै सन्तान जन्माउन प्रोत्साहन गर्न अर्बौ डलरको प्याकेजको घोषणा गरेका थिए ।
एशियामा घट्दो जनसंख्याको सामना गरिरहेको जापान एक्लो देश भने होइन । दक्षिण कोरियाले यस्तै समस्याको सामना गरिरहेको छ । दक्षिण कोरियामा प्रजननदर ०.७२ प्रतिशत रहेको छ । -एजेन्सी
.png)
(1).jpg)
(1).jpg)
.jpg)
.gif)
.gif)
.gif)