.gif)
_(1).gif)
(3).jpg)
.png)
काठमाण्डौ । वाणिज्य बैंकहरुको खुद नाफा १६.०४ प्रतिशतले घट्न पुगेको छ । राष्ट्र बैंकले सार्वजनिक गरेको ११ महिनासम्मको तथ्याङ्कअनुसार वाणिज्य बैंकहरुको नाफा १६ प्रतिशतले घटेको हो ।
गत आवको ११ महिनासम्ममा ६७ अर्ब २३ करोड १५ लाख रुपैयाँ नाफा कमाएको वाणिज्य बैंकहरुले चालु आवको यस अवधिसम्म जम्मा ५६ अर्ब ४५ करोड ५ लाख रुपैयाँ मात्रै नाफा आर्जन गरेका छन् ।
सञ्चालनमा रहेका २० वाणिज्य बैंकहरुमध्ये जम्मा ६ वटा बैंकले मात्रै गत आवको तुलनामा नाफा बृद्धि गरेका छन् भने १४ वटा बैंकको नाफामा गिरावट आएको छ ।
जेठ महिनासम्ममा सर्वाधिक नाफा कमाउनेमा भने नबिल बैंक रहेको छ । बैंकले ६ अर्ब ३३ करोड ८४ लाख रुपैयाँ नाफा कमाई सर्वाधिक नाफा कमाउने बैंक बनेको छ ।
त्यस्तै, दोस्रोमा ग्लोबल आइएमई बैंकले ५ अर्ब ९ करोड नाफा कमाउँदा तेस्रोमा नेपाल इन्भेष्टमेन्ट मेगा बैंकले ४ अर्ब ३८ करोड रुपैयाँ नाफा कमाउन सफल भएको छ ।
यता प्राइम कमर्सियल बैंकले पनि ३ अर्ब ५५ करोड रुपैयाँ नाफा कमाएको छ भने एभरेष्ट बैंकले ३ अर्ब ३१ करोड रुपैयाँ नाफा आर्जन गरेको छ ।
(1).gif)
यसका साथै राष्ट्रिय वाणिज्य बैंकले ३ अर्ब ६ करोड, प्रभुले ३ अर्ब ३ करोड, कृषि विकास बैंकले ३ अर्ब २ करोड, स्ट्याण्डर्ड चार्टर्डले ३ अर्ब १ करोड, एनएमबिलले २ अर्ब ७७ करोड, हिमालयन बैंकले २ अर्ब ७६ करोड, लक्ष्मी सनराइजले २ अर्ब ३७ करोड, सिद्धार्थ बैंकले २ अर्ब २७ करोड, एनआइसी एशियाले २ अर्ब २३ करोड, सिटिजन्सले १ अर्ब ७५ करोड, सानिमाले १ अर्ब ७४ करोड, कुमारीले १ अर्ब ६७ करोड, नेपाल एसबिआईले १ अर्ब ६६ करोड, माछापुच्छ्रेले १ अर्ब २८ करोड नाफा कमाउन नेपाल बैंकले भने जम्मा १ अर्ब ७ करोड रुपैयाँ मात्रै नाफा कमाएको छ ।
नाफामा कृषि विकास र प्राइम कमर्सियलको फड्को
२० वटा वाणिज्य बैंकमध्ये जम्मा ६ वटा बैंकले मात्रै गत आवको तुलनामा नाफा बढाएका छन् । जसमध्ये सर्वाधिक कृषि विकास बैंकले नाफा बृद्धि गरेको छ ।
गत वर्षको जेठ मसान्तसम्म १ अर्ब ५६ करोड रुपैयाँ मात्रै नाफा कमाएको सो बैंकले यस अवधिसम्म आइपुग्दा ९३.४२ प्रतिशतले बढाएर ३ अर्ब २ करोड रुपैयाँ नाफा कमाएको छ ।
त्यस्तै, प्राइम कमर्सियल बैंकले पनि १०.५३ प्रतिशतले नाफा बढाएको छ । गत आवको ११ महिनासम्म ३ अर्ब २१ करोड नाफा कमाएको प्राइमले चालु आवको ११ महिनासम्ममा ३ अर्ब ५५ करोड रुपैयाँ नाफा कमाउन सफल भएको छ ।
यसका साथै एभरेष्ट बैंकले ८.०५ प्रतिशत, प्रभु बैंकले ४.८० प्रतिशत, सिटिजन्स बैंकले ४.५४ प्रतिशत र सिद्धार्थ बैंकले १.९९ प्रतिशतले नाफा बढाएको छ ।
गत आवको तुलनामा सर्वाधिक नाफा नेपाल बैंक र एनआइसी एशिया बैंकको घटेको छ । नेपाल बैंकको नाफा ६५.०१ प्रतिशतले घटेको छ भने एनआइसी एशिया बैंकको नाफा ५१.७३ प्रतिशतले घटेको छ ।
.gif)
.png)
.jpg)
.jpg)
.jpg)
.jpg)
.gif)
(1).gif)
.gif)
