.gif)
_(1).gif)
.png)
काठमाण्डौ । ओपन एआईले नयाँ प्रोटोटाइप सर्च इन्जिन लञ्च गर्ने घोषणा गरेको छ । कम्पनीले सर्चजीपीटी नामक सर्च इन्जिनका बारेमा परीक्षणको काम भईरहेको र यसलाई चाडै नै लञ्च गर्ने घोषणा गरेको हो ।
सर्चजीपीटीले एआई प्रविधिलाई वेबको रियल टाइम इन्फरमेशनसँग कम्बाइन गर्नेछ र मानिसहरुलाई च्याटजीपीटी जस्तै सूचनाहरु सर्च गर्न सहयोग गर्नेछ । सुरुवाती चरणमा अहिले यो सर्च इन्जिनको परीक्षण सीमित प्रयोगकर्ताहरुमाझ भईरहेको छ । ओपन एआईले यसलाई भविष्यमा च्याटजीपीटीसँग एकीकृत गरिने योजना बनिरहेको जनाएको छ ।
यो नयाँ फिचरसँगै ओपन एआईले गुगलसँग प्रत्यक्ष प्रतिस्पर्धा गर्ने भएको छ । गुगलले विगत लामो समयदेखि अनलाइन सर्च बजारमा आफ्नो प्रभुत्व कायम राख्दै आएको छ । सर्च जीपीटीले माइक्रोसफ्टको सर्च इन्जिन बिङसँग समेत प्रतिस्पर्धा गर्ने भएको छ ।
(1).gif)
ओपन एआईको नयाँ टुल सर्च जीपीटीमा प्रयोगकर्ताहरुले च्याट जीपीटीसँग जस्तै प्राकृतिक भाषामा कुरा गर्न सक्नेछन् । प्रयोगकर्ताले पाएको जवाफामा थप अतिरिक्त फलो अप प्रश्नहरु समेत सोध्न सक्नेछन् । तर आफ्नो उत्तर दिनका लागि पुरानो डेटामा निर्भर हुने च्याट जीपीटीको विपरीत सर्च जीपीटीले भने अप–टु डेट सूचना प्रदान गर्नेछ र प्रयोगकर्तालाई अन्य लिंक पनि प्रदान गर्नेछ जसलाई कम्पनीले स्वच्छ र भरपर्दा स्रोत भनेर व्याख्या गरेको छ ।
गत मे महिनामा गुगलले टप सर्च रिजल्ट पेजमा एआई जेनेरेटेड समरी रोलआउट गरेसँगै ओपन एआई सर्चजीपीटी ल्याएको हो ।
ओपन एआई नयाँ सर्च टुल्स घोषणा गरेसँगै अल्फाबेटको सेयरमूल्यमा गिरावट आएको छ । बिहिबार कम्पनीको सेयरमूल्य ३ प्रतिशतले घटेको छ ।
.gif)
.png)
.jpg)
.jpg)
.gif)
.gif)
