.gif)
_(1).gif)
.jpg)
.png)
काठमाण्डौ । सुनको सबैभन्दा ठूलो खपतकर्ता देशमध्येको एक चीनमा सुनको बिक्रीमा गिरावट आएको छ । अन्तराष्ट्रिय बजारमा सुनको मूल्य बढ्ने क्रम जारी रहेकाले चीनमा सुनबाट निर्मित गरगहनाको बिक्रीमा कमी आएको हो ।
यस्तै चीनमा यो वर्षको पहिलो ६ महिनामा सुनको मागमा ६ प्रतिशतको गिरावट आएको छ । चाइना गोल्ड काउन्सिलले सार्वजनिक गरेको आँकडाअनुसार जुन महिनासम्ममा चीनमा ५२४ टन सुनको मात्रै माग भएको छ । ब्लूमबर्गको आँकडाअनुसार चीनमा सुनका गरगहनाको बिक्रीमा ५२ प्रतिशतको गिरावट आएको छ ।
(1).gif)
यो वर्षको सुरुवाति ३ महिनामा भने चीनमा सुनको माग अत्यधिक रहेको थियो । तर तेस्रो महिनापश्चात भने सुनको मागमा अप्रत्याशित कमी आएको जनाइएको छ । वर्षको सुरुवातमा चीनको केन्द्रीय बैंकले सुनको भण्डारण रेकर्डस्तरमा गरेको थियो । मानिसहरुले पनि ओरालो लागिरहेको सेयर बजार र घरजग्गा कारोबारको विकल्पको रुपमा सुनमा लगानी बढाएका थिए ।
चीनको केन्द्रीय बैंक ‘पिपुल्स बैंक अफ चाइना’ले १८ महिनाको खरिदलाई ब्रेक लगाउँदै गत मे र जुन महिनामा सुनको खरिद रोकेको थियो । चीनको खस्कदो अर्थतन्त्र र अन्तराष्ट्रिय बजारमा वृद्धि भईरहेको मूल्यका कारण चीनमा यतिबेला आम ग्राहकहरुले समेत सुनको खरिद घटाएका छन् ।
चाइना गोल्ड काउन्सिलले भने वर्षको सुरुवाति ६ महिनामा सुनका गरगहनाको बिक्री २७ प्रतिशतले घटेको जनाएको छ । यद्यपी सुनको बार र सिक्काको बिक्री भने गत वर्षको तुलनामा ४६ प्रतिशतले बढेको काउन्सिलले उल्लेख गरेको छ । औद्योगिक प्रयोजनका लागि बिक्री भएको सुनको बार र सिक्काको बारेमा प्रतिवेदन सार्वजनिक गरिएको र यसमा केन्द्रीय बैंकले खरिद गरेको आँकडा समावेश नगरिएको काउन्सिलले स्पष्ट पारेको छ ।
अमेरिकी केन्द्रीय बैंकले ब्याजदरमा गर्ने कटौती, अमेरिकी राष्ट्रपतिको निर्वाचन र बढ्दै गएको भू–राजनीतिक तनावले अन्तराष्ट्रिय बजारमा सुनको मूल्य अझै बढ्न सक्ने विश्लेषकले बताएका छन् ।
.gif)
.png)
.jpg)
.jpg)
.jpg)
.gif)
(1).gif)
.gif)
