.gif)
_(1).gif)
.jpg)
.png)
काठमाण्डौ । कुमारी बैंक लिमिटेडको वित्तीय अवस्थामा राम्रो सुधार देखिएको छ । बैंकले आज सार्वजजिक गरेको गत आव २०८०/८१ को चौथो त्रैमासिक प्रतिवेदनअनुसार बैंक वित्तीय रुपमा स्वस्थ देखिएको छ ।
बैंकले खुद नाफा आर्जनमा ३४५.६७ प्रतिशतको छलाङ मारेको छ । चौथौ त्रैमाससम्ममा बैंकले २ अर्ब ३० करोड रुपैयाँ बराबरको खुद नाफा आर्जन गर्न सफल भएको छ । अघिल्लो आवको सोही अवधिसम्ममा भने बैंकको खुद नाफा ५१ करोड ७९ लाख रुपैयाँमा सीमित थियो ।
(1).gif)
बैंकले नाफा बढाएता पनि खुद ब्याज आम्दानीमा भने झिनो कमी आएको छ । बैंकले १० अर्ब ९८ करोड रुपैयाँबराबरको खुद ब्याज आम्दानी गरेको छ । यो रकम अघिल्लो आवको सोही अवधिको तुलनामा भने ०.७१ प्रतिशतले मात्रै कम हो । बैंकको खुद शुल्क तथा कमिशन आम्दानी ३९.८९ प्रतिशतले बढेर २ अर्ब ११ करोड रुपैयाँ पुगेको छ । बैंकको खुद सञ्चालन आम्दानी ४ अर्ब ९१ करोड रुपैयाँबाट बढेर १० अर्ब २७ करोड रुपैयाँ पुगेको छ । जुन प्रतिशतका हिसाबले १०७.८५ प्रतिशतले बढी हो ।
बैंकको सञ्चालन मुनाफामा पनि उछाल आएको छ । अघिल्लो आवको चौथौ त्रैमाससम्ममा ९६ करोड १६ लाख रुपैयाँ रहेको बैंकको सञ्चालन मुनाफा ३०५.९४ प्रतिशतले बढेर ३ अर्ब ९० करोड रुपैयाँ पुगेको छ ।
२६ अर्ब २२ करोड रुपैयाँ बढीको चुक्तापूँजी भएको बैंकले १४ अर्ब ६६ करोड रुपैयाँबराबरको रिजर्भ गरेको छ । बैंकको रिटेन्ड अर्निङ भने ३ अर्ब ७८ करोड रुपैयाँले ऋणात्मक अवस्थामा छ । चौथो त्रैमाससम्ममा बैंकले निक्षेप संकलन र कर्जा प्रवाह समेत बढेको छ ।
निक्षेप संकलन ३ खर्ब १६ अर्ब रुपैयाँबाट बढेर ३ खर्ब ३३ अर्ब रुपैयाँ पुगेको छ । यस्तै कर्जा प्रवाह पनि २ खर्ब ७० अर्बबाट बढेर २ खर्ब ७३ अर्ब रुपैयाँ पुगेको छ ।
बैंकको वितरणयोग्य मुनाफा भने ३ अर्ब ७८ करोड रुपैयाँले ऋणात्मक अवस्थामा छ । बैंकको खराब कर्जा अनुपात ४.९६ प्रतिशतबाट घटेर ४.९५ प्रतिशतमा सीमित बनेको छ ।
समीक्षा अवधिसम्ममा बैंकको प्रतिसेयर आम्दानी(ईपीएस)मा ३४६ प्रतिशतको वृद्धि भएको छ । अघिल्लो आवमा १.९७ रुपैयाँमा सीमित रहेको बैंकको ईपीएस बढेर ८.८० रुपैयाँको उचाईमा पुगेको छ । यस्तै बैंकको प्रतिसेयर नेटवर्थ १४१.४७ रुपैयाँ,मूल्य आम्दानी अनुपात १७.४७ गुणा र तरलता अनुपात ३०.४७ प्रतिशत कायम भएको छ ।
.gif)
.png)
.png)
.png)
.gif)
.gif)
