.gif)
_(1).gif)
.png)
काठमाण्डौ । विद्युतीय गाडीहरुको आयातमा व्यापारिक समूहबीच अस्वस्थ प्रतिस्पर्धा देखिन थालेको छ । यो क्रममा एउटै समूहले दृश्य र अदृश्य सकेजति इभी ब्राण्डहरुलाई नेपाल ल्याउने गति समेत तीव्र देखिएको छ । केही समयअघि बीवाईडी गाडीको आधिकारिक बिक्रेताको व्यापार खोस्न नेपालका प्रतिष्ठित भनिएका औद्योगिक घरानाहरु नै हात धोएर लागेका थिए । तर, बीवाईडी गाडीको आधिकारिक बिक्रेता साइमेक्स इंकले त्यस्ता प्रयासहरुलाई विफल बनाउँदै बीवाइडीको एक्लो बिक्रेताको रुपमा आफ्नो पहिचानलाई स्थापित बनाइराख्न सफल देखिएको छ ।
(1).gif)
जसरी बीवाइडीको आधिकारिक डिलरसीप खोस्ने प्रयास भएको थियो, त्यही शैलीमा पछिल्लो समय प्रिमियम सेगमेन्टको इभीमा राम्रो चर्चा पाएको र ग्राहकहरुले मन पराउन थालेको चिनियाँ इभी स्काईवेलको व्यापारमा व्यापारिक समूहले अस्वस्थ खेल खेलेको छ । जसका कारण स्काईवेलको विद्युतीय गाडीको आधिकारिक बिक्रेता नेपालमा दुईवटा भएको भ्रम फैलाइएको छ ।
जी मोटर्सले स्काईवेल गाडीको आधिकारिक बिक्रेताको रुपमा महिनौंअघिदेखि काम गरिरहेको छ । यो गाडीको व्यापार वृद्धिका लागि कम्पनीले करोडौं लगानी समेत गरिसकेको छ । तर, जी मोटर्सको बढ्दो व्यापार र स्काईवेलप्रतिको आकर्षण देखेर अर्को व्यापारिक समूहले षड्यन्त्रमूलक ढंगले भाँजो हाल्ने काम गरेको छ ।
अनधिकृत रुपमा आफूलाई स्काईवेल गाडीको आधिकारिक बिक्री एजेन्टको रुपमा प्रस्तुत गर्दै स्काईवेलको नयाँ इभी भित्र्याउने र त्यसको मूल्य समेत तोकेर सार्वजनिक सूचना जारी भएपछि अर्काको बढ्दो व्यापार फुत्काउन व्यापारीहरु कुन हदसम्म तल ओर्लन सक्छन् भन्ने देखिएको छ ।
नेपालका लागि स्काईवेल गाडीको आधिकारिक बिक्रेताको रुपमा जी मोटर्स आधिकारिक बिक्रेता नियुक्त भई गाडीहरु बिक्री गर्दै आएको थियो । बिक्रेता नियुक्त गर्ने कम्पनी नान्जिङ गोल्डन ड्रागन बस कम्पनी लिमिटेड(जसलाई नान्जिङ गोल्डन ड्रागन स्काईवेलको नामले पनि चिनिन्छ) हो । तर, नयाँ आधिकारीक बिक्रेता बनेको एलआरआर ग्रुपलाई भने सिन–ई हङकङ कम्पनी लिमिटेडले आधिकारिक बिक्रेता नियुक्त गरेको देखिएको छ । एलआरआर ग्रुपलाई स्काईवेल गाडीको आधिकारिक बिक्रेता नियुक्त गर्ने सिन ई हङकङ कम्पनी चाहिँ स्काईवेल गाडी उत्पादन गर्ने कम्पनी होइन । यो हङकङ मुख्य कार्यालय रही विभिन्न विद्युतीय गाडी तथा उत्पादनहरुको ट्रेडिङ गर्ने कम्पनी हो ।
गाडीको उत्पादकको नभई बितरको साथ लिएर एलआरआर ग्रुपले भाँजो हालेपछि जी मोटर्स त्यसविरुद्ध अदालत गएको छ ।
जी मोटर्सले उच्च अदालतमा मुद्दा दायर गरेपछि यो विषय बाहिर आएको हो । जी मोटर्सका प्रबन्ध निर्देशक कैलाशबाबु गेलालले चिनियाँ उत्पादक कम्पनीले आधिकारिक बिक्रेताको अधिकार जी मोटर्सलाई दिएको महिनौपछि अर्को कम्पनीलाई गैरकानूनी ढंगले हाम्रो व्यापारमा छिराएपछि त्यसविरुद्ध आफूहरु अदालत गएको प्रष्ट पारे । उनले वाणिज्य विभागको समेत मिलेमतोमा यस्तो गैरकानूनी काम भएको दाबी गर्दै विभागलाई समेत प्रतिवादी बनाएर आफूहरु अदालत गएको प्रष्ट पारे ।
अर्को कुनै समूहले स्काईवेलका प्यासेञ्जर भेइकलहरुको आधिकारिक बिक्रेता लिन लागेको खबर आएलगत्तै नान्जिङ गोल्डन ड्रागन बस कम्पनी लिमिटेडलाई एक इमेल गरिएको थियो । 'तपाईहरुको नेपालका लागि आधिकारिक बिक्रेता को हो ?' भनेर सोधिएकोमा सो कम्पनीका अटो एक्सपोर्ट डिभीजनका डिजिएम थोमसले मेलको रिप्लाई गर्दै भनेका छन् -'नेपालको भक्तपुरस्थित राधे राधे ठेगाना भएको जी मोटर्स प्रालिलाई पूरा नेपालभर स्काईवेल ब्राण्डका प्यासेञ्जर भेइकलको अथोराइज्ड र एक्सक्लूसिभ डिलरको रुपमा छनौट गरिएको छ ।' इमेलको एउटा सानो व्यहोरो हेर्नुहोस्:
कम्पनीले स्काईवेल ब्राण्डका गाडीहरुको आधिकारिक बिक्रेता बन्ने भन्दै अन्य कोही आए तिनीहरुलाई दर्ता नगरिदिन समेत सम्बन्धित पक्षलाई अनुरोध गरेको छ ।
त्यसअघि यही कम्पनीसँग भएको डिलरसीप सम्बन्धी सम्झौतामा पनि जी मोटर्सलाई नै आधिकारिक बितरक बनाइएको स्पष्ट देखिन्छ । कम्पनीले जी मोटर्ससँग गरेको सम्झौताको एउटा बुँदा हेरौं:
तर, यस्ता आधार र प्रमाणहरु हुँदा हुँदै स्काईवेलको बढ्दो बजार र व्यापारमा अर्को समूह आएर भाँजो हाल्ने काम गरेको देखिन्छ । यसमा वाणिज्य विभागका कर्मचारीहरुको समेत नियत प्रष्ट देखिन्न ।
.gif)
.png)
(1).jpg)
.jpg)
.gif)
.gif)
