.gif)
(2).gif)
(40).jpg)
_(1).gif)
.png)
काठमाण्डौ । अन्तराष्ट्रिय बजारमा सुनको मूल्य नयाँ रेकर्ड कायम गरेको छ । केही दिनअघि पहिलापटक प्रतिऔंस २५ सय डलरको आँकडा पार गरेको सुनको मूल्यले पुनः नयाँ रेकर्ड कायम गरेको हो ।
सुनको मूल्य अघिल्लो कारोबार सेशनमा २ हजार ५३१ डलर पुगेर नयाँ रेकर्ड कायम गरेको हो । अहिले भने अन्तराष्ट्रिय बजारमा सुनको मूल्य ०.५९ प्रतिशत अर्थात १४.६५ डलरले बढेको छ । यो वृद्धिसँगै सुनको मूल्य अन्तराष्ट्रिय बजारमा प्रतिऔंस २ हजार ५१८.४३ डलरमा कारोबार भईरहेको छ ।
अमेरिकी डलर कमजोर बन्दा र अमेरिकी केन्द्रीय बैंकले ब्याजदरमा कटौती गर्ने सम्भावना बलियो बन्दा सुनको मूल्य वृद्धि भएको हो । यो वर्ष सुनको मूल्य २० प्रतिशतभन्दा बढीको वृद्धि भईसकेको छ । विश्वका केन्द्रीय बैंकहरुले ब्याजदरका कटौती गरेका बेला लगानीकर्ताले सुनलाई सुरक्षित लगानीको रुपमा लिने गर्छन् ।
अमेरिकी डलर ७ महिनाकै न्यून विन्दुमा झरेपछि र अमेरिकी बोन्डको प्रतिफल समेत घटेपछि लगानीकर्ताले सुनको खरिद बढाएसँगै मूल्य वृद्धि भएको विज्ञहरुले बताएका छन् ।
अमेरिकामा फेडरल रिजर्भले आगामी महिना २५ बेसिक प्वइन्टले ब्याजदरमा कटौती गर्न सक्ने अनुमान गरिएको छ ।
यस्तै आज चाँदीको मूल्य पनि ०.१० डलरले बढेर प्रतिऔंस २९.२१ डलर कायम भएको छ ।
.gif)
.png)
.jpg)
(1).jpg)
.jpg)
.jpg)
.jpg)
(1).gif)
