.gif)
(2).gif)
.jpg)
_(1).gif)
.png)
काठमाण्डौ । सौर्य एयरलाइन्सको विमान दुर्घटना तौलको सन्तुलन नमिलेका कारण भएको खुलासा भएको छ । गत साउन ९ गते त्रिभुवन विमानस्थलमा भएको सोर्यको जहाजको दुर्घटना बारे अध्ययन गर्न गठित समितिले यस्तो खुलासा गरेको हो ।
समितिले तौल र टेकअफको गति नमिलेका कारण जहाजले उचाइ लिन नसकेकाले विमान दुर्घना भएको प्रारम्भिक प्रतिवेदन सार्वजनिक गरेको छ । प्रतिवेदनमा जहाजको इन्जिनमा कुनै खराबी नदेखिएको उल्लेख गरिएको छ ।
प्रतिवेदनमा मर्मतका लागि राखिएका सामग्री नबाँधेर राखेका कारण सबैतिर तौलको सन्तुलन नमिलेका कारण जहाज टेकअफ गर्न साथ सामान सरेर सन्तुलन बिग्रिएको प्रारम्भिक निष्कर्ष निकालिएको छ । टेकअफ गर्दा विमानको तौल ब्यागेजसहित १८ हजार १३२ किलो थियो । यसका अतिरिक्त विमानमा २००० किलो इन्धन पनि थियो ।
अन्तिम प्रतिवेदनका लागि विस्तृत प्राविधिक अनुसन्धान हुन बाँकी रहेको प्रतिवेदनमा उल्लेख गरिएको छ ।
‘गत साउन ९ गते काठमाण्डौबाट पोखराका लागि उडेको सौर्य एयरलाइन्सको जहाज बिहान ११ः११ बजे उड्ने वित्तीकै विमानस्थल नजिकै दुर्घटना भएको थियो । उक्त विमानमा चालक दलका सदस्यसहित १९ जना सवार थिए ।
दुर्घटनामा १८ जनाको मृत्यु भएको थियो । उक्त दुर्घटनामा विमानका क्याप्टेन भने बाच्न सफल भएका थिए ।
.gif)
.png)
(1).jpg)
(1)(5).jpg)
.jpg)
(1).gif)
