.gif)
.gif)
.png)
काठमाण्डौ । विजयकुमार शाह परिवारले काठमाण्डौ इन्स्टिच्युट अफ चाइल्ड हेल्थ (केआइओसिएच) को बाल शल्यचिकित्सा इन्टेन्सिभ केयर युनिट पिएसआइसीयु र डे केयर सर्जरी शाखाको आवश्यक भौतिक संरचना निर्माणका लागि ४ करोड रुपैयाँ सहयोग प्रतिबद्धता जनाएको छ ।
शाह परिवारका तर्फबाट गरिएको योगदानले नेपालमा बाल स्वास्थ्य सेवामा उल्लेखनीय सुधार गर्ने विश्वास गरिएको छ । जसका माध्यमबाट विशेष स्याहारको आवश्यकता परेका बालबालिकाहरुको गम्भीर अवस्थाको शल्यक्रिया गर्न सकिनेछ । शाह परिवारको महत्वपूर्ण सहयोगको सम्मान गर्दै पिएसआइसीयु र डे केयर सर्जरी शाखाको तल्लालाई रुस्लान पिएसआइसीयु नामाकरण गरिनेछ ।
गत भदौ १३ गते शाह परिवारले प्राथमिक चरणमा १ करोड रुपैयाँ केआइओसिएचलाई प्रदान गरीसकेको छ । गैर नाफामूलक संस्था जेजीआई नेपाल फाउण्डेसन (जेजिआइएनएफ), ले यस सहयोग प्रक्रियाको समन्वय एवं सहजीकरण गरीरहेको छ । यद्यपी, यो सहयोग शाह परिवारको निजी पूँजिबाट प्रदान गरीएको हो । कुल सहयोग प्रतिबद्धता मध्ये बाँकि ३ करोड रुपैयाँ निर्माण योजना सुरु भएपछि जेजीआई नेपाल फाउण्डेसनको समन्वय र सहजीकरणमा आर्थिक रुपमा प्रदान गरिनेछ ।
सबै सहयोग रकम विजयकुमार शाहको निजी सम्पतीबाट गरिएको हो । प्रस्तुत सहयोग ३ पटक सम्म नेपालकै शिर्ष करदाता भएका विजयकुमार शाहको परोपकार र सामाजिक उत्तरदायित्व समर्पणको प्रतिबिम्ब बनेको शाह परिवारले जनाएको छ ।
.png)
.gif)
(1).gif)
.gif)
