अघिल्लो आवमा घाटामा रहेको कृषि विकास बैंकले कमायो १९.०९ करोड नाफा, खराब कर्जा अनुपात घटाउन सफल

काठमाण्डौ । अघिल्लो आवको पहिलो त्रैमासम्म घाटामा रहेको कृषि विकास बैंकले पुनरागमन गरेको छ । बैंकले चालु आवको पहिलो त्रैमाससम्म १९ करोड ९ लाख रुपैयाँ खुद नाफा कमाएको छ । अघिल्लो आवको सोही अवधिसम्म भने बैंक ८८ करोड ८० लाख रुपैयाँ घाटामा थियो ।    

बैंकको खुद ब्याज आम्दानी भने २५.१८ प्रतिशतले घट्दै १ अर्ब ५४ करोड रुपेयाँमा सीमित बनेको छ । बैंकको खुद सञ्चालन आम्दानी १ अर्ब ५७ करोड रहेको छ । बैंकले इम्पेयरमेन्ट चार्जका लागि ९० करोड २२ लाख रुपैयाँ छुट्टाएको छ । बैंकको कर्मचारीको सेवा सुविधाका लागि ९० करोड ७७ लाख र बैंकको अन्य सञ्चालन २५ करोड ४८ लाख रुपैयाँ खर्च गरेको छ ।  

बैंकको निक्षेप २ खर्ब अर्बबाट बढेर २ खर्ब ६० अर्ब रुपैयाँ पुगेको छ । बैंकको कर्जा प्रवाह पनि २ खर्ब १ अर्ब रहेको छ । बैंकले खराब कर्जा अनुपात पनि घटाउन सफल भएको छ । अघिल्लो आवको पहिलो त्रैमाससम्म ५.३३ प्रतिशत रहेको बैंकको खराब कर्जा अनुपात ४.७८ प्रतिशतमा सीमित बनेको छ ।  

समीक्षा अवधिसम्म बैंकको प्रतिसेयर आम्दानी(ईपीएस) ३.२५ रुपैयाँ र रिटर्न अन इक्विटी १.३७ प्रतिशत रहेको छ ।