हिमालयन लघुवित्तको नाफामा १,१४२% को बढोत्तरी, वितरणयोग्य मुनाफा भने ऋणात्मक

काठमाण्डौ । हिमालयन लघुवित्त वित्तीय संस्था लिमिटेडले चालु आर्थिक वर्षको पहिलो त्रैमाससम्म १ करोड ३४ लाख रुपैयाँ खुद नाफा कमाएको छ ।  

यो रकम गत वर्षको सोहि अवधिको तुलनामा १.१४२.३१ प्रतिशतले बढी हो । अघिल्लो आवको सोहि अवधिसम्म संस्थाले १० लाख ८६ हजार रुपैयाँ बढी खुद नाफा आर्जन गरेको थियो ।  

यस्तै समीक्षा अवधिसम्म संस्थाको खुद ब्याज आम्दानी ३०.२९ प्रतिशतले बढ्दै ७ करोड २० लाख रुपैयाँ पुगेको छ । यो अवधिसम्म संस्थाले खुद शुल्क तथा कमिशन आम्दानीमार्फत १ करोड ४७ लाख रुपैयाँ आर्जन गरेको छ । संस्थाको कुल सञ्चालन आम्दानी ६ करोड ८६ लाख रुपैयाँबाट बढेर ८ करोड ७० लाख रुपैयाँ पुगेको छ ।  

यो अवधिमा संस्थाको इम्पेयरमेन्ट चार्ज घटेको छ । अघिल्लो आवको पहिलो त्रैमाससम्म ६३ लाख १७ हजार रहेको इम्पेयरमेन्ट चार्ज घटेर ११ लाख ७३ हजार रुपैयाँमा सीमित बनेको छ । यद्यपी संस्थाको वितरणयोग्य मुनाफा भने ८९ लाख ९२ हजार रुपैयाँले ऋणात्मक अवस्थामा छ ।  

ग्राहकहरुबाट ९४ करोड ७८ लाख रुपैयाँ निक्षेप संकलन गरेको संस्थाले ४ अर्ब २८ करोड रुपैयाँ कर्जा प्रवाह गरेको छ । संस्थाको खराब कर्जा अनुपात २.९२ प्रतिशतबाट बढेर ३.७२ प्रतिशत पुगेको छ । संस्थाको रिजर्भ १२ करोड २३ लाख रुपैयाँ रहेको छ ।  

समीक्षा अवधिसम्म संस्थाको प्रतिसेयर आम्दानी(ईपीएस)१६.८८ रुपैयाँ,मूल्य आम्दानी अनुपात ५६.३३ गुणा,प्रतिसेयर नेटवर्थ १२२.३१ रुपैयाँ,प्रतिसेयर कुल सम्पत्तिको मूल्य १६००.४७ रुपैयाँ र तरलता अनुपात १६.४८ गुणा कायम भएको छ ।