अडानीले सुरु गरे विश्वको सबैभन्दा ठूलो सोलार प्लान्ट, कम्पनीको सेयरमूल्यमा उछाल

काठमाण्डौ । भारतीय धनाढ्य गौतम अडानीको कम्पनी अडानी ग्रीन इनर्जी लिमिटेडले विश्वको सबैभन्दा ठूलो नविकरण्ीय उर्जा परियोजनाको पहिलो क्षमताको सञ्चालन सुरु गरेको छ ।

कम्पनीको गुजरातको खावडामा बनेको यो परियोजना अहिले ५५१ मेगावाट क्षमताको रहेको छ । कम्पनीले उक्त परियोजना सुरु भएको जानकारी दिएसँगे अडानी ग्रीन ईनर्जीको सेयरमूल्य वृद्धि भएको छ ।

बुधबार कारोबारका दौरान कम्पनीको सेयरमूल्य ४ प्रतिशतभन्दा बढीले वृद्धि भएको छ । यससँगै कम्पनीको सेयरमूल्य १ हजार ८८२ भारु पुगेको छ ।

विश्वको सबैभन्दा ठूलो दाबी गरिएको यो नविकरणीय उर्जा परियोजना ७२६ स्क्वायर किलोमिटरमा फैलिएको छ । यो परियोजनाबाट ३० गेगावाट क्लिन इनर्जी उत्पादन हुनेछ र यसबाट १.८ करोड घरहरुमा विद्युत आपूर्ती हुने जनाइएको छ ।

यो परियोजनकाको लागत २.२६ अर्ब डलर अनुमान गरिएको छ ।