फर्स्ट माइक्रोफाइनान्सको नाफामा ३८.६८% को गिरावट, वितरणयोग्य मुनाफा र लाभांश क्षमतामा समेत कमी

काठमाण्डौ । ब्याज आम्दानीमा कमी आउँदा फर्स्ट माइक्रोफाइनान्स लघुवित्त वित्तीय संस्था लिमिटेडको नाफामा कमी आएको छ । संस्थाले सार्वजनिक गरेको चालु आवको पहिलो त्रैमाससम्मको अपरिष्कृत वित्तीय विवरणअनुसार कम्पनीले यो अवधिसम्म ३ करोड १० लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ३८.६८ प्रतिशतले धेरे हो ।  

अघिल्लो आवको सोही अवधिसम्म कम्पनीले ५ करोड ६ लाख रुपेयाँ खुद नाफा कमाएको थियो । यो अवधिसम्म कम्पनीको खुद ब्याज आम्दानी २५.१२ प्रतिशतले घटेर ६ करोड ५२ हजार रुपैयाँमा सीमित बनेको छ । यस्तै कम्पनीको खुद सञ्चालन आम्दानी ३३.९५ प्रतिशतले घटेर ५ करोड ९९ लाख रुपैयाँमा सीमित बनेको छ । १ अर्ब २३ करोड रुपैयाँबराबरको चुक्तापूँजी भएको कम्पनीको रिटेन्ड अर्निङ १२.०६ प्रतिशतले बढेर १३ करोड ३८ लाख रुपैयाँ पुगेको छ । कम्पनीको रिजर्भको आकार पनि २८ करोड ५३ लाखबाट बढेर ३० करोड १९ लाख रुपेयाँ पुगेको छ ।  

संस्थाको वितरणयोग्य मुनाफा समेत २० करोड ४७ लाखबाट घटेर १३ करोड ४३ लाखमा खुम्चिएको छ । अघिल्लो आवसम्म १७.८४ प्रतिशत रहेको कम्पनीको लाभांश क्षमता समेत घटेर १४.४० प्रतिशत कायम भएको छ ।  

यो अवधिमा कम्पनीको खराब कर्जा अनुपात पनि बढेको छ । खराब कर्जा अनुपात १.९१ प्रतिशतबाट बढेर ४.४४ प्रतिशत पुगेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस)१०.०८ रुपैयाँ, प्रतिसेयर नेटवर्थ १३५.३२ रुपैयाँ, प्रतिसेयर कुल सम्पत्तिको मूल्य ६३२.०१ रुपैयाँ, मूल्य आम्दानी अनुपात ८०.८५ गुणा र तरलता अनुपात २३.४८ प्रतिशत कायम भएको छ ।