रसुवागढी हाईड्रोको सेयर ‘स्ट्रङ बुलिस सेन्टिमेन्टमा’, कतिसम्म पुग्ला सेयरभाउ ?

काठमाण्डौ । रसुवागढी हाईड्रोपावर कम्पनी चिलिमे जलविद्युत कम्पनीको भगिनी कम्पनी हो । १११ मेगावाट क्षमताको यो कम्पनी बागमति प्रदेशको रसुवा जिल्लामा सन् २०११ मा स्थापित कम्पनी हो । यस कम्पनीमा ५१ प्रतिशत संस्थापक र ४९ प्रतिशत सर्वसाधारण समूहको स्वामित्व रहेको छ ।  

कम्पनीको पूँजी संरचनामा ३३ प्रतिशत चिलिमे हाइड्रोपावर कम्पनीको, कर्मचारी सञ्चय कोषको १९.५ प्रतिशत , नेपाल विद्युत प्राधिकरणको १८ प्रतिशत , सर्वसाधारण समूहको १५ प्रतिशत , स्थानियको १० प्रतिशत र बाँकी अन्य समूहको छ ।  

आधारभूत पक्षः  

यस आर्थिक वर्षको पहिलो त्रैमासिक प्रतिवेदनअनुसार कम्पनीको चुक्तापूँजी ६ अर्ब ८४ करोड २१ लाख रुपैयाँ रहेको छ । कम्पनीको रिटेन्ड अर्निङ ३९ करोड २१ लाख रुपैयाँ नेगेटिभ रहेको छ । योसँगै कम्पनीको कुल पूँजी ६ अर्ब ४४ करोड रहेको छ । यसैगरि, कम्पनीको खुद मुनाफा १ करोड ४४ लाख रुपैयाँ रुहेको छ भने प्रतिसेयर आम्दानी ६० पैसा नकारात्मक , मूल्य आम्दानी अनुपात १९३१ गुणा नकरात्मक र नेटवर्थ जम्मा ९४ रुपैयाँ रहेको छ ।  

प्राविधिक पक्षः  

इलिअट वेभ  

इलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले सानाठूला गरेर एकदिनदेखि एकसय बर्षसम्मको समय अबधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक–फरक वेभ हुन्छन् भने तल जान ३ वेभ हुन्छन् ।  

माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ए, बी, सीले मूल्य तथा सूचक तल जाने संकेत दिन्छ ।

जसअन्तगर्त यो कम्पनीको सेयर मूल्य पछिल्लो पटकको न्यून मुल्य ३५० देखि ४२५ सम्म वेभ १ , वेभ २ मा करेक्सन भएर ३६० सम्म, वेभ ३ मा ५०० सम्म र वेभ ४ मा करेक्सन भएर ४५० सम्म , र वेभ ५ मा ५३० सम्म पुग्न सक्छ ।  

माथि मुख्य तस्बिरमा  

फियर एण्ड ग्रिड इन्डेक्स

फियर एण्ड ग्रिड इन्डेक्सको आधारमा यो कम्पनी हाल ८० को तहमा स्ट्रङ बुलिस सेन्टिमेन्टमा चलेको देखिन्छ । यो भनेको यस कम्पनीमा लगानीकर्ताहरुको आकर्षण अधिक रहेको छ भन्ने हो । कम्पनीको ५२ साताको उच्च मूल्य ५०१ रुपैयाँ , न्यून मूल्य २४१ रुपैयाँ रहेको थियो । कम्पनीको शतप्रतिशत सेयर सर्वसाधारण समूहको रहेको छ । कम्पनीले हालसम्म कुनै पनि लाभांश प्रस्ताव गरेको छैन ।  

बोलिङ्गर ब्याण्ड , म्याक्डी र आरएसआई  

बोलिङ्गर ब्याण्डको आधारमा यो कम्पनीमा हाल अपर ब्याण्डमा बियरिस प्रकृतिको क्याण्डल बनेको छ । यसले अल्पकालमा केही नाफा बुक हुन सक्छ । म्याक्डीमा बुलिस क्रसओभर भ्यालिड नै रहेको छ भने आरएसआई ६६ को तहमा चलेको देखिन्छ । समग्रमा तीन वटै इन्डिकेटरबाट नियाल्दा यो कम्पनी हाल अपर ब्याण्डमा चलेको तर अल्पकालमा नाफा बुक आउन पनि सक्ने देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – ५०८

प्रतिरोध २ – ४७९

प्रतिरोध १–  ४६०

पिभट् प्वइन्टः ४३१

घटेमा सपोर्ट  

सपोर्ट १– ४१२

सपोर्ट २– ३८३

सपोर्ट  ३ –३६४

निष्कर्षः आधारभूत रुपमा यो कम्पनी ठीकै देखिन्छ । कम्पनीको खुद मुनाफा , प्रतिसेयर आम्दानी नकारात्मक रहेको छ भने नेटवर्थ जम्मा ९४ रुपैयाँ रहेको छ । यस्तै कम्पनीको प्रतिसेयर कुल सम्पति भने ३४३ रुपैयाँ रहेको छ । प्राविधिक रुपमा कम्पनीलाई नियाल्दा बोलिङ्गर ब्याण्डको अपर ब्याण्डमा चलेको देखिन्छ । तर अपर ब्याण्डमा वियरिस प्रकृतिको क्याण्डल बनेको कारण केही अल्पकालिन करेक्सन आउन सक्छ ।  

फियर एण्ड ग्रिड इन्डेक्समा यो कम्पनी हाल स्ट्रङ बुलिस सेन्टिमेन्टमा चलेको देखिन्छ । इलिअट वेभबाट नियाल्दा कम्पनीको सेयरभाउ ५३० रुपैयाँसम्म पुग्न सक्ने देखिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।