मेरोमाइक्रोफाइनान्स लघुवित्तको सञ्चालक तथा अध्यक्ष नियुक्ति

काठमाण्डौ । मेरोमाइक्रोफाइनान्स लघुवित्त वित्तीय संस्था लिमिटेडको सञ्चालक तथा अध्यक्षको नियुक्ति गरिएको छ ।  

संस्थाको सञ्चालकमा सुमन मुलेपती नियुक्त भएका छन् । उनी संस्थाको संस्थापक सेयरधनी सिटिजन्स बैंक इन्टरनेसनल लिमिटेडबाट सञ्चालक नियुक्त भएका हुन् । 

हाल प्रतिनिधित्व गरिरहेका सञ्चालक सुमित बाबु खत्री बैंकबाट अलग भएकाले बैंकको तर्फबाट सहायक प्रमुख कार्यकारी अधिकृत सुमन मुलेपतीलाई पठाईएकाले उनलाई यस वित्तीय संस्थाको सञ्चालकमा नियुक्त गरिएको संस्थाले जनाएको छ ।  

साथै सोही बैठकको निर्णयअनुसार संस्थाका सञ्चालक कल्याण बिक्रम पाँडेलाई संस्थाको सञ्चालक समितिको अध्यक्ष पदमा चयन गर्ने सर्व सम्मत निणर्य भएको संस्थाले जनाएको छ । पाण्डे ग्लोबल आइएमई बैंकको प्रतिनिधिका रुपमा सञ्चालक समितिको अध्यक्ष पदमा चयन भएका हुन् ।