गार्डियन माइक्रो लाइफको आइपीओमा कति पर्यो आवेदन ?

काठमाण्डौ । गार्डियन माइक्रो लाइफ इन्स्योरेन्सको आइपीओमा ५.२२ गुणा बढी आवेदन परिसकेको छ । कम्पनीको आइपीओ दोस्रो दिनमै ओभरसब्सक्राइब्ड भएको हो ।  

सिडिएस एण्ड क्लियरिङ्गका अनुसार आज ५ बजेसम्ममा २० हजार २४० जना आवेदकले ११ लाख ७३ हजार ८२० कित्ताका लागि आवेदन दिइसकेका छन् । कम्पनीको आइपीओमा हालसम्म ११ करोड ७३ लाख ८२ हजार रुपैयाँ बराबरको आवेदन परेको छ ।  

कम्पनीले पहिलो चरणमा अनुमति पाएको कुल २२ लाख ५० हजार कित्ताको १० प्रतिशत अर्थात २ लाख २५ हजार कित्ता सेयर वैदेशिक रोजगारमा गएका नेपालीहरुका लागि निष्कासन गरेको हो । यो सेयरको अंकित मूल्य १०० रुपैयाँ रहेको छ ।  

कम्पनीले ३ प्रतिशतले हुने ६७ हजार ५०० कित्ता सेयर कम्पनीमा कार्यरत कर्मचारीहरुको लागि र ५ प्रतिशतले हुने १ लाख १२ हजार ५०० कित्ता सेयर सामुहिक लगानी कोषको लागि सुरक्षित गरी बाँकी १८ लाख ४५ हजार ००० कित्ता सेयर सर्वसाधारणमा जारी गर्नेछ ।  

वैदेशिक रोजगारीमा रहेका नेपालीले धितोपत्र बोर्डबाट स्वीकृत प्राप्त सम्पूर्ण आस्वा सदस्य बैंक तथा वित्तीय संस्थाहरु र तिनका तोकिएका शाखा कार्यालय तथा मेरो सेयर अनलाइनबाट समेत आवेदन दिन सक्नेछन् ।  

यो आईपीओको निष्कासन तथा बिक्री प्रबन्धकको रुपमा कुमारी क्यापिटल लिमिटेड रहेको छ । लगानीकर्ताले पुस ३ गतेसम्म आवेदन दिनु पर्नेछ । आवेदन दिने न्यूनतम कित्ता १० र अधिकतममा १ लाख कित्तासम्मका लागि आवेदन दिन सकिनेछ ।