वार्षिक औषत साढे ११ प्रतिशत लाभांश दिएको महालक्ष्मी विकास बैंकको आगामी यात्रा कस्तो ?

काठमाण्डौ । महालक्ष्मी विकास बैंक नेपालका १५ वटा विकास बैंकहरु मध्ये एक हो । यो बैंक केन्द्रिय स्तरको विकास बैंक हो । यस बैंकका उत्यका र उपत्यका बाहिर गरेर प्रधान कार्यलयसहित १०३ वटा शाखा रहेका छन् । यस बैंकले निक्षेप संकलन तथा कर्जा परिचालन , रेमिट्यान्स तथा डिजिटल बैंकिङ सेवा प्रदान गर्दै आएको छ ।  

आधारभूत पक्षः  

कम्पनीको चूक्तापूँजी ४ अर्ब १७ करोड रुपैयाँ रहेको छ भने जगेडा कोषमा २ अर्ब ५० करोड र रिटेन अर्निङ करिब २२ करोड रुपैयाँ रहेको छ । यो सँगै कम्पनीको कूल पूँजी ६ अर्ब ९० करोड रुपैंयाँ रहेको छ । कम्पनीको प्रतिसेयर आम्दानी १३.७८ रुपैयाँ , रिर्टन अन इक्विटी ८.३४ रुपैयाँ , खराब कर्जा अनुपात ४.९३ प्रतिशत रहेको छ । कम्पनीको खुद नाफा २८ करोड ७५ लाख रुपैयाँ रहेको छ । कम्पनीको विगत ९ वर्षको औषत लाभांशदर ११.५५ प्रतिशत रहेको छ ।  

प्राविधिक पक्षः  

फियर एण्ड ग्रिड मिटरः  

फियर एण्ड ग्रिड मिटरको आधारमा यो कम्पनी हाल न्यूट्रल सेन्टिमेन्टमा चलको छ । यो भनेको कम्पनीको सेयरमा लगानीकर्ताको उपस्थिति सामान्य रहेको छ भन्ने हो । कम्पनीको ५२ साताको उच्च कारोबार मूल्य प्रतिकित्ता ४८५  रुपैयाँ र न्यून मुल्य ३१५ रुपैयाँ रहेको छ । कम्पनीमा ५१ प्रतिशत सेयर संस्थापक र ४९ प्रतिशत सर्वसाधारण समूहको रहेको छ ।  

बोलिङ्गर ब्याण्ड, म्याक्डी र आरएसआईः  

बोलिङ्गर ब्याण्डको आधारमा यो कम्पनी हाल अपर ब्याण्डमा शुटिङ स्टार बनाएर खसेको छ । पछिल्लो समय कम्पनीको कारोबारसँगै भोल्युम पनि घट्दै गएको छ । म्याक्डीमा बिस्तारै बियरिस क्रसओभर बन्दै गरेको देखिन्छ । हिस्टोग्राम पनि नेगेटिभ र लामा–लामा हुँदै गरेको देखिन्छ । आरएसआई ओभर बट जोन बाट खसेर हाल न्यूट्रल जोनमा चलको देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको अधिकतम,न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ –४८९

प्रतिरोध २ – ४६६

प्रतिरोध १–४३३

पिभट् प्वइन्टः ४१०

घटेमा सपोर्ट  

सपोर्ट १– ३७७

सपोर्ट २– ३५४

सपोर्ट  ३ –३२१

निष्कर्षः आधारभूत रुपमा यो कम्पनीको अवस्था सन्तोषजनक देखिन्छ । कम्पनीको रिटेन्ड अर्निङ र जगेडा कोषमा सुधार आएको देखिन्छ । तर अघिल्लो आर्थिक वर्षको तुलनामा रिर्टन अन इक्विटीमा सामान्य गिरावट आएको देखिन्छ ।कम्पनीको खराव कर्जा पनि बढेको छ । प्राविधिक रुपमा यो कम्पनी हाल न्यूट्रल सेन्टिमेन्टमा चलेको छ । अघिल्लो साता बोलिङ्गरको अपर ब्याण्डमा शुटिङ स्टार बनाएको यस कम्पनीमा आज बियरिस मारुबुजु क्याण्डल बनेको छ । यसले कम्पनीको सेयर भाउमा बिक्री दबाब आएको र भविष्यमा मध्य ब्याण्ड अर्थात ४१० सम्म सपोर्ट लिन पनि आउन सक्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।