बिहीबार, श्रावण २२,२०८२ 05:35:24
  • बिहीबार, श्रावण २२,२०८२ 05:35:24
Global IME Bank Limited

यी हुन् कारको माइलेज घट्नुका ५ प्रमुख कारण, बचाउन सकिन्छ हजारौं रुपैयाँ

Hyundai Nepal
यी हुन् कारको माइलेज घट्नुका ५ प्रमुख कारण, बचाउन सकिन्छ हजारौं रुपैयाँ
Shivam Cement

काठमाण्डौ । अक्सर मानिसहरू सोच्छन् कि कारको कम माइलेज कुनै ठूलो गल्तीको संकेत हो, तर यो सधैं यस्तो नहुन पनि सक्छ । धेरै पटक, साना गल्तीहरू वा केही महत्त्वपूर्ण कुराहरूलाई बेवास्ता गर्दा कारको एभरेज घट्छ।

यस्तो अवस्थामा आफ्नो कारको माइलेज बढाउनको लागि कृही कुरामा विशेष ध्यान दिनु आवश्यक हुन्छ । जसले गर्दा हरेक महिना हजारौं रुपैयाँ बचत गर्न सकिन्छ । आखिर के कुरामा ध्यान दिदा बढ्छ त कारोको माइलेज ?

१. ड्राइभ गर्ने बानी

जब मानिसहरूको कारको एभरेज कम हुन्छ अनि उनीहरू कारको इन्जिनमा केही खराबी भएको वा अन्य कुनै समस्या छ भन्ने सोच्छन् । तर उनीहरू आफ्नो ड्राइभिङ बानीलाई भने बेवास्ता गर्छन्। वास्तवमा, ड्राइभिङ व्यवहारले माइलेज मा सबैभन्दा ठूलो प्रभाव पार्छ। यदि तपाइँ उच्च गतिमा रफ तरिकाले कार चलाउनुहुन्छ भने, धेरै माइलेजको आशा नगर्नुहोस्।

द्रुत गति र कडा ब्रेकिङले इन्जिनमा अनावश्यक तनाव दिन्छ र इन्धन खपत बढाउँछ। ट्राफिकमा वा सिग्नलमा लामो समय इन्जिन चलाउनाले पनि इन्धन बर्बाद हुन्छ । यस्तो अवस्थामा तपाईले आफ्नो ड्राइभिङ विधि सुधार गरेर राम्रो माइलेज पाउन सक्नुहुन्छ।

Shivam Cement
Muktinath Bikas Bank Limited

२. टायरमा हावाको चाप कम हुादा पनि आउँछ समस्या  

टायरमा कम हावाको चापले धेरै समस्या निम्त्याउँछ र यसले गाडीको औसत कार्यसम्पादन घटाउँछ। प्रायः मानिसहरूले यो कुरालाई बेवास्ता गर्छन् र टायरमा हावाको चाप कम भए पनि कार चलाइरहन्छन्। वास्तवमा, टायरमा कम हावा हुँदा, सडकसँग टायरको सम्पर्क क्षेत्र बढ्छ। यसका कारण गाडीले अगाडि बढ्नको लागि थप बल प्रयोग गर्नुपर्ने हुन्छ, जसलाई रोलिङ रेजिस्टेन्स भनिन्छ। रोलिङ रेजिस्टेन्स बढाउँदा इन्जिनमा थप दबाब पर्छ र इन्धन खपत बढ्छ।

यस्तो अवस्थामा तपाईले आफ्नो कारको टायरको हावाको चाप नियमित रूपमा जाँच गरिरहनु आवश्यक छ। अहिले धेरै सवारीसाधन टायर प्रेसर मोनिटरिङ सिस्टम उपलब्ध छन्।

३.इन्जिन आयल पुरानो हुँदा

कारमा इन्जिन आयल र एयर फिल्टर पुरानो भएमा यसले माइलेजमा असर गर्छ । इन्जिन आयलको काम भनेको इन्जिनका पार्ट्सलाई लुब्रिकेट राख्नु र तिनीहरूबीचको घर्षण घटाउनु हो।

समयको साथ, इन्जिन आयलले आफ्नो गुण्स्तर र क्षमता गुमाउँछ र फोहोर हुन्छ, जसले इन्जिनका भागहरू बीच घर्षण बढाउँछ र इन्जिनले कडा काम गर्नुपर्छ। यस्तो अवस्थामा इन्जिन आयल समयमै परिवर्तन गर्नु जरुरी हुन्छ ।

४.एयर फिल्टर फोहोर हुँदा

कारमा रहेको फोहोर एयर फिल्टरका कारण पनि माइलेज प्रभावित हुन्छ । जब एयर फिल्टर फोहोर वा बन्द हुन्छ, इन्जिनले पर्याप्त सफा हावा पाउँदैन। यो कमीलाई पूर्ति गर्न इन्जिनले बढी इन्धन खपत गर्छ र यसले माइलेज घटाउने मात्र होइन, इन्जिनको कार्यसम्पादन पनि बिग्रन्छ । साथै, प्रदूषण पनि बढ्छ। यस्तो अवस्थामा, सर्भिसिङको बेला सधैं एयर फिल्टर जाँच गर्नुहोस् र आवश्यक भएमा यसलाई बदल्नुहोस्।

५ .स्पार्क प्लगमा खराबी आउदा  

जब कुनै कार चल्छ, त्यसका पार्टपुर्जाहरू पनि समयसँगै बिग्रन्छ। कारको एभरेज घट्नुको प्रमुख कारण स्पार्क प्लगको खराबी हो। स्पार्क प्लगको कार्य इन्जिन सिलिन्डरमा इन्धन र हावाको मिश्रण जलाउनु हो। जब स्पार्क प्लगहरू पुरानो वा खराब हुन्छन् र सही समयमा र पर्याप्त मात्रामा स्पार्क उत्पादन गर्दैनन्, यसले इन्जिनको दक्षता घटाउँछ र माइलेजमा गम्भीर असर गर्छ।  

यस्तो अवस्थामा, स्पार्क प्लगहरू सर्भिसिङको क्रममा जाँच गराउनु पर्छ र तिनीहरूलाई नियमित अन्तरालहरूमा परिवर्तन गराउनु पर्छ ।

Nepal Investment Mega Bank Limited
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.