सुनको भाउ बढ्यो, चाँदीको भने घट्यो

काठमाण्डौ । स्थानिय बजारमा सुनको भाउ सामान्य बढेको छ । गत शुक्रबार प्रतितोला ७ सय रुपैयाँले बढेको सुनको भाउ आजपनि उकालो लागेको हो ।

नेपाल सुनचाँदी व्यवसायी महासंघका अनुसार आज सुनको मूल्य ६ सय रुपैयाँले बढेको छ । यससँगै आज प्रतितोला सुनको किनबेच २ लाख ७७ हजार ८ सय रुपैयाँमा भईरहेको छ । गत शुक्रबार भने एक तोला सुनको मूल्य २ लाख ७७ हजार २ सय कायम थियो ।

यस्तै आज चाँदीको भाउ भने घटेको छ । चाँदी आज २० रुपैयाँले घट्दै प्रतितोला ५ हजार ६२५ रुपैयाँमा कारोबार भईरहेको छ ।