सुनको भाउ पहिलोपटक तोलाकै ३ लाख पार, चाँदी पनि रु. ६२०० नजिक

काठमाण्डौ । स्थानिय बजारमा सुनको भाउले रेकर्ड कायम गरेको छ । आजको कारोबारमा ९ हजार २ सय रुपैयाँले बढ्दै सुनको मूल्यले पहिलोपटक तोलाको ३ लाखको आँकडा पार गरेको छ ।

यो वृद्धिका साथ आज सुनको कारोबार प्रतितोला ३ लाख १ हजार ४ सय रुपैयाँ पुगेको छ ।

यसअघि गत माघ ७ गते सुनको भाउ हालसम्मकै उच्च कायम भएको थियो । उक्त दिन सुनको भाउ प्रतितोला २ लाख ९५ हजार १ सय रुपैयाँ कायम भएको थियो ।

यस्तै आज चाँदीको भाउ समेत बढेको छ । चाँदी आज ३२० रुपैयाँले बढ्दै प्रतितोला ६ हजार १९० रुपैयाँ पुगेको छ । यो मूल्य हालसम्मकै उच्च हो ।